హరివిల్లు

ఎన్నెన్నో వర్ణాలు-అన్నింటా అందాలు…

ఆదిమ జాతుల్లో వింత పెళ్లిళ్లు

ఆదిమ జాతుల్లో వింత పెళ్లిళ్లు
మానవుడు ప్రకృతి ఆరాధకుడు. నాగరిక పరిణామక్రమంలో ఆయా కాలమాన పరిస్థితుల మూలంగా అనేక విధాలుగా మార్పు చెందాడు. అభివృద్ధి తొలుత నెమ్మదిగా ప్రారంభమైనప్పటికీ రాను రాను అది వేగం పుంజుకున్నాది. నేటికాలంలో అది నిమిషాలకి పరిమితమైంది.వేగంగా అభివృద్ధిని సాధిస్తున్న ఇప్పటి ప్రపంచంలో, సాంప్రదాయాలు, సంస్కృతులు, ఆచారవ్యవహారాలు, అలవాట్లు మారిపోతున్నాయి.సమాజానికి తగినట్లుగా మనిషి తన ప్రవర్తనని మార్చుకుని జీవనప్రయాణాన్ని సాగిస్తున్నాడు. అయితే ఈ అభివృద్ధికి దూరంగా ఉన్న కొన్ని ఆదిమజాతులు .. ఇప్పటికీ తమ అలవాట్లును మార్చుకోలేదు.అంతమాత్రాన వారిని ఆధునిక ప్రపంచంలో పోటీపడుతున్న మానవుడి కంటే తక్కువగా చూడలేం. జీవనగమనంలో వాళ్లు పడుతున్న ఆరాటం …. జరుపుతున్న పోరాటం అందరిలాంటిదే. ఇటువంటి కొన్ని ఆదిమ జాతుల వారిలో జరిగే పెళ్లిళ్ళు నాగరికులకు వింతగా కనిపించడం సహజమే…

African_Polygamyఆఫ్రికా దేశంలో ఉండే సాంప్రదాయాలు ప్రపంచం లోని మిగతా తెగలతో పోల్చుకుంటే విభిన్నంగా ఉంటాయి.చీకటి ఖండంగా ఒకప్పుడు ఆ ప్రాంతాన్ని పిలిచినా..నేడు అది అభివృద్ధి చెందుతున్న దేశాలతో పోటీ పడుతోంది. ఏ సమాజానికైనా వివాహ వ్యవస్థ ఎంతో ప్రధానం.ఆఫ్రికా ఖండాల్లో జరిగే పెళ్లిళ్లు మిగ తా ప్రపంచంతో పోల్చి చూస్తే కొంచెం భిన్నంగా ఉంటాయి.అమ్మాయి లేని అబ్బాయి చెట్టులేని పువ్వుతో సమానమని ఆఫ్రికన్స్‌ నమ్ముతారు.

ఓ కుటుంబం ఏర్పడడానికి పెళ్లి ముఖ్యమని ఆఫ్రికన్‌ తెగలు నమ్ముతాయి. సమాజంలో ఓ స్థానం సంపాదిం చటానికి ఇది మార్గమని అవి భావిస్తాయి. ఆఫ్రికాలో జరిగే పెళ్లిళ్లు చాలా చిత్రంగా ఉంటాయి. అన్ని సమూహాల్లో పెళ్లికొడుకే ప్రధానపాత్రని పోషిస్తాడు. ఆ ప్రాం తాల్లో పెళ్లి జరగాలంటే వరుడు ఎన్నో ఆటంకాలని దాటిరావాలి. తగిన జోడి కోసం కొన్ని తెగల్లో యుద్ధా లు కూడా జరుగుతాయి.మరికొన్ని రోజుల్లో పెళ్లి అవు తుంది అనుకునే జంటకి తెగ పెద్ద కొన్ని మంత్రాలను చెపుతారు. అవి వాళ్ల పూర్వీకులకి సంబంధించినవిగా భావిస్తారు. అలా చేయటం వలన పెళ్లి తరవాత ఎలాం టి అవాంతరాలు లేకుండా భార్యభర్తలు హాయిగా జీవి స్తారనేది వాళ్ల నమ్మకం. కొన్ని ప్రాంతాల్లోని తెగలకు చెందిన పురుషులు పెళ్లి అయిన తరవాత వధువు ఇంటి పక్కనే ఓ ఇంటిని నిర్మించి అక్కడే సంసారాన్ని చేయా ల్సి ఉంటుంది. వీళ్ల పెళ్లిళ్లో కనిపించే మరో ప్రముఖ ఘట్టం విందు. జంతుబలి సాధారణంగా కనిపించే ఆ తెగల్లో పెళ్లి విందుని కొన్ని రోజులపాటు జరుపుతారు. పాటలు, నృత్యాలతో వివాహనంతరం ఫుల్‌ జోష్‌గా వేడుకలు చేసుకుంటారు.

marraigeఇథియోపియాలో రాజకీయంగా, ఆర్థికంగా బాగా అభివృద్ధి చెందిన తెగ అమ్‌హరా. ఇక్కడి జనాభా 19 మిలియన్లు. అమ్‌హారిక్‌ వీరి మాతృభాష. వీళ్ల సంప్రదాయాల్లో చర్చి ప్రధాన పాత్రని పోషిస్తుంది. ఈ తెగల్లో వివా హమనేది ఒప్పందం. రెండు కుటుంబాల మధ్య గ ట్టి బంధం ఏర్పడటానికి వివాహం ముఖ్యమని వీరు భావి స్తారు. ఈ జాతిలో విడాకులు తీసుకోవడం కూడా ఉంది. ఇథియోపియాలో ఉన్న కారో తెగల్లో పెళ్లికి ముం దు వధువు పొత్తికడుపు మీద కొన్ని ముద్రలను వేస్తారు.

పుణ్యకార్యంగా…
అషెంత్‌ తెగ ఆఫ్రికాలో కనపడే ఓ విభిన్నమైన తెగ. భూమి మీద ఆధారపడి బతికే ఈ తెగవాసులు వ్యవసా యం చేయటంలో గొప్ప ప్రావీణ్యం సాధించారు. పూ ర్వ కాలం నుంచి వీళ్లు వ్యవసాయాన్ని ఆధారంగా త మ జీవనాన్ని సాగిస్తున్నారు. అంతేకాదు బంగారం, వెండితో వీళ్లు చేసే డిజైన్స్‌ అన్నీ కూడా చేతితోనే తయారవుతాయి. ఆఫ్రికా తెగల్లో త్వరగా అంతరించిపోతున్న జాతుల్లో అన్‌లో ఈవ్‌ తెగ ఒకటి. వీరిలో వివాహమనేది ప్రకృతి మధ్య జరిగే పుణ్యకార్యం. ఘనాలోని ఘనేనియన్‌ తెగ ల్లో పెళ్లి సంప్రదాయకంగా జరుగుతుంది. స్నేహితులు, బంధువులు మధ్య జరిగే ఈ వివాహంలో పెళ్లికూతురి ని పెళ్లికొడుకు తరఫువారే ముస్తాబు చేస్తారు. పెళ్లికూ తురిని ఇంటికి తీసుకొచ్చేటప్పుడు.. వరుడు తరపు వాళ్లందరూ వధువుకి మద్దతుగా ఉంటారు. అంతేకాదు వధువు కొత్త ఇంటిలో అడుగుపెట్టేటప్పుడు తలుపుని గట్టిగా కొట్టి రావాలి. ఇలా కొట్టడాన్నే అక్కడ ‘కొ కొ కు’ అంటారు.

పెళ్లంటే తిట్లే!…
కెన్యాలో జరిగే వివాహలు కొంచెం బాధాకరంగా అనిపిస్తాయి నాగరికులకు. పెళ్లి చేసుకుని అత్తారింటికి వెళ్లే వధువుని ఆమె తండ్రి తిడతాడు. అంతేకాదు ఆమె ము ఖం, వక్షోజాల మీద ఉమ్మును వేస్తాడు. మళ్లీ ఇక్కడకి తిరిగి వస్తే రాళ్లతో కొట్టి చంపేస్తామంటాడు. వివాహాని కి ముందు ఆమెను బాగా అలంకరించి…ఒంటి నిం డా ఆభరణాలతో పంపించేసే ఈ తెగవాళ్లు 13 ఏళ్లకే తమ పిల్లలకు వివాహాన్ని చేసేస్తారు. అక్కడ ఉన్న మ రో తెగ స్వాహలి. ఇందులో పెళ్లికి ముందు వధువుకి సుగంధస్నానం చేయిస్తారు. రకరకాల ముద్రలతో వం టినంతా అలంకరిస్తారు.

South-Africanపెదాలని కొన్ని మూలికలతో కప్పేస్తారు. ఇందులో కూడా పెళ్లివేడుకలు కొన్ని రోజు ల పాటు జరుగుతాయి. వెరైటీ ఏమిటంటే….సంబ రాలు వధువు ఇంట్లో..వరుడు ఇంట్లో వేరువేరుగా జరుగుతాయి. పెళ్లైన తరవాత జరిగే కుపంబా కూడా కెన్యా దేశంలో ఉండే తెగల్లో కనపడుతుంది. ఈ వేడు కి హాజరయ్యే వాళ్లందరూ ఆడవాళ్లే.సాంబూర్‌ జాతి లో జరిగే పెళ్లిళ్లో బహుమతులకి ఎక్కువ ప్రాధాన్యం ఉంటుంది. వరుడు మేక, గుర్రాన్ని , రెండు పంటల లాభాన్ని, పెళ్లికూతురు తరపు వారు అడిగినన్నీ పాల ని, ఓ గొర్రెని పెళ్లి కానుకగా వధువుకి ఇచ్చిన తరువా తే వివాహం జరుగుతుంది.నమీబియాలో ఉన్న హం బా తెగల్లో జరిగే మ్యా రేజిల్లో వధువుని పెళ్లికి ముందు దాచేస్తారు. తోలుతో ముఖాన్ని కప్పేస్తారు. శోభనం జ రిగేంత వరకు ఆ ముసుగుని అలాగే ఉంచు తారు.

పెళ్లంటే ఇద్దరు పిల్లలు..
సుడాన్‌లోని నెర్‌ ఆదివాసుల్లో జరిగే పెళ్లిళ్లు పాడి పశువుల మీద ఆధారపడి ఉంటుంది. పెళ్లికి ముందు వధువు …పెళ్లికొడుకు తరపువాళ్లు 40 పశువులను ఇ వ్వాలి. అంతే కాదు వరుడు …వధువు ఎప్పుడై తే ఇద్ద రు పిల్లలకు తల్లి అవుతుందో అప్పడే ఆమెని భార్యగా స్వీకరిస్తాడు. ఒకవేళ ఆమె ఒక బిడ్డకే జన్మనిస్తే అతను ఆమె నుంచి విడాకులు తీసుకునేందుకు పెద్దలు అను మతిస్తారు.ఆఫ్రికాలోని వివాహ పద్ధతులు చాలా ప్రాచీనమైనవి. చాలా చోట్ల జరిగే వివాహలకి అవి మార్గదర్శకాలుగా ఉన్నాయి.ప్రపంచంలో జరిగే ఇప్పటి వివాహల మూ లాలు మనకు ఆఫ్రికాలోని చాలా తెగల్లో కనపడతాయి.ఆ దేశంలో ఉండే బాకా తెగ వాళ్ల ప్రధాన వృత్తి వే ట. వ్యవసాయం కూడా వీళ్లకి తెలుసు.బాకా తెగలను పిగ్మీలని కూడా పిలుస్తారు. ఇక్కడ పెళ్లి అనాదిగా వస్తు న్న సంప్రదాయాలతోనే జరుగుతుంది.సుడాన్‌లోని అతిపెద్ద సమూహం దిన్‌కా తెగ. ఎత్తుగా, అందంగా ఉండే ఈ తెగవాళ్లు ..గోధుమరంగు కన్నులను కలిగి ఉంటారు. వీరి వివాహలు కూడా ప్రాచీన సంప్రదా యాల ప్రకారమే జరుగుతాయి.

జూలు..
girlsబంతు కుటుంబంలోని ఓ తెగ జూలు.. దక్షిణాఫ్రికా చెందిన అతి పెద్ద తెగ ఇది. ఇందులో 11 మిలియన్ల జనాభా ఉంది. సౌత్‌ఆఫ్రికాతో పాటు, జింబాబ్వే, జాంబి యా, మెజాంబిక్‌ దేశాల్లో ఈ తెగవాళ్లు నివసిస్తున్నా రు. వీరి మాతృభాష జూలు . ఈ తెగల్లోని చాలామంది జూలు భాషతో పాటూ ఇంగ్లీషు, పోర్చుగీస్‌ మాట్లాడతారు. ఆఫ్రికాలోనే కాదు..భారతదేశంలో అనేక ఆదిమ జాతులు, గిరిజన సముదాయాలున్నాయి. వీరికి ప్రత్యే క సంస్కృతి, సంప్రదాయం ఉంది.మన దేశంలో వీళ్లు ఎక్కువగా ఒరిస్సా, మధ్యప్రదేశ్‌, చత్తీస్‌ఘడ్‌, రాజస్థా న్‌, గుజరాత్‌, మహారాష్ట్ర, జార్ఖండ్‌, మిజోరం, ఆంధ్రప్రదేశ్‌, అండమాన్‌ నికోబార్‌ దీవుల్లో ఉన్నారు. ఇక మ న రాష్ట్రంలో చూసుకుంటే చెంచులు, గోండ్లు, కొండరె డ్లు, కొలాములు, నాయకపోడ్లు, సవరలు, జాతాపులు, పరధాన్లు, తోటీలు, సుగాలీలు, లంబాడీల సంస్కృతు లు ఉన్నాయి. వీళ్లలో జరిగే వివాహాలు ఆధునిక సమా జంలోని వాటికి విభిన్నంగానే జరుగుతాయి.

Surya Telugu Daily .

మార్చి 9, 2011 Posted by | వింతలూ-విశేషాలు | | వ్యాఖ్యానించండి

హిందూ వివాహ మంత్రములు

హిందూ వివాహ మంత్రములు

పాణిగ్రహణమ్
గృహ్ణామితే సుప్రజాస్త్వాయ హస్త౦
మయా పత్వా జరదష్ఠిర్యథా సహ|
భగో అర్యమే పవితా పుర౦ధి
ర్మహ్య౦ త్వాదుర్గార్హపత్యాయ దేవా||

పెద్దల ఆశీస్సులతో మన దా౦పత్యజీవితము ఆయురారోగ్య ఐశ్వర్యాలతో
తులతూగాలని భగవ౦తుని ప్రార్థిస్తూ
నీ పాణిని అ౦దుకొ౦టున్నాను.
సుముహూర్త౦
ధ్రువ౦ తే రాజా వరుణో
ధ్రువ౦ దేవో బృహస్పతి
ధ్రువ౦ త ఇ౦ద్ర శ్చాగ్ని
రాష్ట్ర౦ ధారయతా౦ ధ్రువ౦
రాజైన వరుణుడు, దేవతలైన బృహస్పతి,ఇ౦ద్రాగ్నులు
ముక్కోటి దేవతల యొక్క ఆశీస్సులు మన ఇరువురిపై
ప్రసరి౦చి మన వివాహబ౦ధ౦-నూతనోత్తేజాన్ని
పొ౦దుతూ, జీలకర్ర బెల్ల౦వలె కలిసియు౦డే
స్థిరత్వాన్ని ఇవ్వాలని ఈ మిశ్రమాన్ని శిరస్సుపై ధరిస్తున్నాము.

మా౦గల్యధారణ
మా౦గళ్య౦త౦తునా నేన
మమ జీవనహేతునా|
క౦ఠే బధ్నామి సుభగే
త్వ౦ జీవ శరదా౦ శతమ్

నూరు స౦వత్సరాలు మె౦డైన,ని౦డైన ఆన౦ద౦ కోస౦
ఆయురారోగ్యాల కోస౦ మ౦గళప్రదమైన ఈ మా౦గల్యాన్ని
నీ క౦ఠమున౦దు ధరి౦పజేయుచున్నాను.

తల౦బ్రాలు

పశవో మే కామః సమృధ్యతామ్
యజ్ఞో మే కామః సమృధ్యతామ్
శ్రీయే మే కామః సమృధ్యతామ్
యశో మే కామః సమృధ్యతామ్

పాడిప౦టల అభివృధ్ధి యజ్ఞ యాగాదుల
వృధ్ధి,కీర్తి ప్రతిష్టల అభివృధ్ధి,శుభముల అభివృధ్ధి,
కొరకు ఈ తల౦బ్రాలు పోసుకొనుచున్నాము.

సప్తపది

సఖా సప్తవదా భవ, సఖయో సప్తపదా
బభూవ,సఖ్య౦తే గమేయ౦,సఖ్యాతే మా
యోష౦,సఖ్యా న్మే మా యోష్ఠాః సమాయవః
స౦కల్పావహై స౦ప్రియో రోచిష్ణూ సుమన
స్సమనౌ ఇష మూర్జమభి స౦వసనౌ స౦ నౌ
మౌనా౦సి స౦ప్రతా సము చిత్తాస్వకరమ్

మొదటి అడుగు ఒకరినొకరు అర్థ౦ చేసుకోవాలని,
రె౦డవ అడుగు తుష్టిని,పుష్టిని కలిగి కలిసిమెలిసి యు౦డాలని
మూడవ అడుగు స౦పద కలగాలని
నాల్గవ అడుగు సుఖస౦తోషాలను సమాన౦గా ప౦చుకోవాలని
ఐదవ అడుగు సత్ స౦తానము పొ౦దాలని
ఆరవ అడుగు కలకాల౦ కలిసి జీవి౦చాలని
ఏడవ అడుగు జీవితా౦త౦ స్నేహితులుగా జీవి౦చాలని
అగ్ని సాక్షిగా ఈ ఏడడుగులు వేయుచున్నాము.

మార్చి 31, 2010 Posted by | అవర్గీకృతం | , , , , , | 5 వ్యాఖ్యలు