హరివిల్లు

ఎన్నెన్నో వర్ణాలు-అన్నింటా అందాలు…

ఈ గాలి.. ఈ నేల.. సాయిమయం

ఈ గాలి.. ఈ నేల.. సాయిమయం

Puttaparti_fy మేజర్‌న్యూస్‌ బ్యూరో, అనంతపురం: ఒకప్పటి కుగ్రామం నేడు అంత ర్జాతీయ ఆధ్మాత్మిక కేంద్రం. భగవాన్‌ సత్యసాయిబాబా జన్మస్థల మైన పుట్టపర్తి సాయిబాబా ఆశీస్సులతో అంచలంచలుగా ఎదిగి అంతర్జాతీయ ఆధ్మాత్మిక కేంద్రంగా పేరు పొందింది. సాయిబాబా బాల్యంలో ఉన్నప్పుడు బాబాగా సిద్ది పొందిన బాల సాయిని ఎద్దులబండిలో ఉరవ కొండ నుంచి పుట్టపర్తికి తీసుకు వచ్చారు. అప్పుడు ఆ ప్రాంతమంతా పుట్టలమయంగా ఉండేది. అప్పట్లో అదో కుగ్రామం. కొ న్ని గుడిసెలు .. ఒకటి రెండు మిద్దెలు ఉండేవి. రెండు దేవా లయాలు ఉండేవి. ఒకటి వేణుగోపాలస్వామి ఆలయం, రెండవది సత్యభామ దేవా లయం. బాలసాయి మొదటిసారిగా పుట్టపర్తి వచ్చినప్పుడు కరణం సుబ్బ మ్మ ఇంట్లో దిగారు. ఆ ఇంటి వరండాలో బాలసాయి భక్తులను కలుసుకుని భజ నలు చేసేవారు. ఆయనను చూడడానికి వచ్చే భక్తులకు గ్రామంలో బస చేయడానికి సౌకర్యం లేక భోజనం లభించక ఇబ్బందులు కలిగేవి. భక్తుల ఇబ్బం దులను గమనించిన సుబ్బమ్మ అందరికీ భోజనం పెట్టడమే కాకుండా పడుకోవడానికి తన ఇంటి వరండాను కూడా కేటాయించారు.

Puttaparti_fy1 ప్రసిద్ది చెంది వచ్చే భక్తుల సంఖ్య పెరగడంతో వారి సౌక ర్యార్థం సుబ్బమ్మ తమ ఇంటి పక్కనే షెడ్‌ నిర్మించి ఇచ్చారు. దానితో మొద లైన పుట్టపర్తి విస్తరణ అనూహ్యంగా పెరిగి ప్రశాంతి నిలయంగా మారింది. 1942లో మొదటిసారిగా మోటారు వాహనం పుట్టపర్తికి వచ్చింది. బస్సు సౌకర్యం కూడా ఏర్పడింది. 1945లో ఓ చిన్న రేకుల షెడ్‌లో బస్‌స్టేషన్‌ ఏర్పాటు చేశారు. ధర్మవరం, హిందూపురం, బెంగుళూ రుల నుంచి రెండు మూడు బస్సులు వచ్చి ఆగేవి. ఆ రేకులషెడ్డు నేడు ఆర్టీసీ బస్టాండుగా మారింది. ఆర్టీసీ డిపో కూడా ఏర్పాటయ్యింది. వంద లాది ఆర్టీసీ బస్సులు నేడు పుట్టపర్తికి వస్తున్నాయి. రాష్ట్రంలోని వివిధ డిపోలకు చెందిన బస్సులు వస్తున్నాయి. గతంలో టీ స్టాలు కూడా లేని పుట్టపర్తిలో పెద్ద పెద్ద హోటళ్లు, లాడ్జీలు వెలిశాయి. ముఖ్యంగా ప్రశాంతి నిలయానికి వచ్చే భక్తుల సౌకర్యార్థం షెడ్‌లు, అపార్టుమెంటులు, వందలా ది గదులు, షాపింగ్‌ కాంప్లె క్సులు, విద్యాసంస్థలు నిర్మిత మయ్యాయి. గతంలో ఉన్న క్యాంటీన్‌ షెడ్‌ను తొలగించి అధునాతనమైన రెండంతస్థుల క్యాంటీన్‌ భవనాన్ని నిర్మించారు. ఇందులో ఒకేసారి రెండు వేల మంది భోజనం చేయవచ్చు. 1970లో వరల్డ్‌ కాన్ఫరెన్స్‌ జరిగినప్పుడు సాయిబాబా జన్మదినోత్సవ వేడుకలను వైభవంగా నిర్వహించడానికి పెద్ద ఎత్తున అభివృద్ది కార్యక్రమాలను నిర్వహించారు.

రేకుల షెడ్డుగా ఉన్న భజన మందిరాన్ని తొలగించి అధునాతమైన పూర్ణ చంద్ర ఆడిటోరియాన్ని నిర్మించారు. 150 అడుగుల పొడవు, 20 అడుగుల వెడల్పుతో మధ్యలో ఎక్కడా స్థంభాలు లేకుండా నిర్మించిన ఈ హాలు ఇంజనీ రింగ్‌ రంగంలో ఓ అధ్బుతంగా ఉంది. ఈ హాలులో 20 వేల మంది భక్తులు కూర్చునేందుకు సౌకర్యం ఉంది. ఈ మందిరానికి వేదిక ఒక అలంకరణ. 1993లో ఈ హాలుపై అంతస్థులు నిర్మించి అందమైన బాల్కనీలను ఏర్పా టు చేశారు. మందిర ప్రాంగణంలో రెండు కోట్ల రూపాయలతో సాయి కుల్వంత్‌ హాలును నిర్మించారు. 75 జన్మదినోత్సవ వేడుకలప్పుడు దీనిని మరింత ఆధునీకరించారు. అందులోనే సత్యసాయి బాబా ప్రతిరోజూ భక్తులకు దర్శ నమిస్తున్నారు. ప్రతి ఐదు సంవత్సరాలకు ఒకసారి నిర్వహించే వరల్డ్‌ కాన్ఫరె న్స్‌కు దేశ విదేశాలకు లక్షలాది మంది భక్తులు వస్తుండడంతో జన్మదిన వేడుకలను సాయి కుల్వంత్‌ హాలులో నిర్వహించడం కష్టసాధ్యం కావడంతో ఈశ్వరమ్మ మెమోరియల్‌ పాఠశాల వెనుక ఓపన్‌ ఫర్‌ హిల్‌ వ్యూ స్టేడియం నిర్మించారు. అత్యంత సుందరంగా నిర్మించిన శాంతి వేదిక ఇరు వైపులా గ్యాలరీలు ఏర్పాటుచేశారు. ఎక్కడినుంచి చూసినా కనిపించేవిధంగా ఆంజనేయస్వామి విగ్రహంతో పాటు గుట్టమీద నిర్మించిన యూనివర్శిటీ పరిపాలన విభాగపు భవన సత్యసాయి మ్యూజియం ప్రశాంతి నిలయానికే అందాన్నిచ్చాయి.

ఈ మ్యూజియంలో మానవ సంస్కృతి, సంప్రదాయాలు, మత విశ్వాసాలు ప్రదీప్తి చెందే ప్రజ్ఞా పాటవ ప్రయోగం, చైతన్య మహా ప్రభు వేదాంతం, బాబా దివ్య అవతార ప్రకటన, మక్కా మదీనా మసీదులు మహా అద్భుతాలకు ప్రతీకలుగా నిలిచాయి. విద్య, వైద్య, సాంకేతిక, ఆధ్యాత్మిక రంగాలలో సేవలందించేందుకు సత్యసాయి సేవా సంస్థలను ప్రపంచవ్యాప్తంగా ఏర్పా టుచేశారు. సత్యసాయి బాబా సందేశాలను ప్రచారం చేయడంతో పాటు నిర్మాణాత్మక సేవా కార్యక్రమాలలో సత్యసాయి సేవా సంస్థలకు చెందిన లక్షలాది మంది సేవా కార్యకర్తలు స్త్రీ, పురుష వయో బేధం లేకుండా పాల్గొంటు న్నారు. 1964లో ఏర్పాటయిన ఈ సేవా సంస్థలు నేడు ప్రపంచంలోనే 160 దేశాల్లో సేవలు అందిస్తున్నాయి. మన రాష్ర్టంలో 1500 శాఖలు, దేశంలో ఆరు వేల శాఖలు, ప్రపంచంలో ఐదు వేల శాఖలుగా విస్తరించాయి. కుల, మత, జాతి, వివక్షత లేకుండా సర్వ మానవ సౌభ్రాతృత్వానికి ఆత్మవికాసానికి కృషి చేస్తున్నాయి. అంతర్జాతీయ స్థాయిలో క్రికెట్‌ స్టేడియం ఇక్కడ నిర్మించారు. సాయి స్పేస్‌ థియేటర్‌ ప్రశాంతి నిలయంలో నిర్మించిన సాయి స్పేస్‌ థియే టర్‌ లలో కనువిందు చేసే వినువీధిని వీక్షించవచ్చు. అంతర్జాతీయ ఆధ్మాత్మిక కేంద్ర మయిన పుట్టపర్తికి ప్రతిరోజూ దేశ విదేశాల నుంచి భక్తులు విచ్చేస్తుంటారు.

సత్యసాయి అవతారం
Puttaparti_fy5మేజర్‌న్యూస్‌ బ్యూరో, అనంతపురం: మాన వత్వపు విలువలు క్షీణించిపోతున్న నేటి సమాజం లో వాటిని పునరుజ్జీవింపచేయడమే సత్యసాయి బాబా అవతార లక్ష్యం. ప్రపంచవ్యాప్తంగా బాబా దీన్నొక యజ్ఞంగా భావించి అమలు చేస్తున్నారు. మనిషిలోని దివ్యత్వపు విలు వలను ఆధ్యాత్మిక సాధన ద్వారా నిత్య జీవితంలో ఆచరణరూపంగా చూపించా లని స్వామి ప్రభోదిస్తున్నా రు. ‘‘ఎవరినీ మతం మార్చుకోమనడం లేదు …కానీ అన్ని మతాలలోని అమూల్యమైన విలువలు ఇవేనంటారు… సన్యాసం తీసుకోవాలని చెప్పడం లేదు ..కానీ ఏ ఆశ్రమంలో ఉన్నా మానవత్వపు విలువలు పెంపొం దించుకోమంటున్నారు.. మంత్రతంత్రాలు ఉపదేశించ డం లేదు … మానవుడు త్రికరణ శుద్దిగా బ్రతకాలన్న జీవనసూత్రాన్ని ప్రభోదిస్తు న్నారు’’ ఇలా ప్రపంచానికి ప్రేమతత్వం చాటుతూ సత్యసాయిబాబా తాను సాయి అవతారమని ప్రకటించింది అనంతపురం జిల్లా ఉరవ కొండలో. బాబా పుట్టుక అవతార విశేషాలను ఒకసారి పరిశీలిస్తే … అనంతపురం జిల్లాలోని పుట్టపర్తిలో 1926 నవం బరు 23న ఈశ్వరమ్మ, పెద్ద వెంకమరాజు దంపతులకు సత్యసాయి నాల్గవ సంతానంగా జన్మిం చారు. తల్లితండ్రులు ఆ బాలుడికి సత్య నారాయణ రాజుగా నామకరణం చేశారు. ఆయన విద్యాభ్యాసం బుక్క పట్నం, ఉరవకొండలలోనే కొనసాగింది. విద్యార్థి దశలోనే ఆయన అనేక మహిమలను చూపిస్తూ తోటి విద్యార్థులనే కాకుండా ఉపాధ్యాయులను కూడా అబ్బుర పరిచేవాడు. పాఠశాలలో విద్యాభ్యాసం కొనసాగించే సమయంలోనే పాఠశాలలో మౌనంగా ఉండేవాడు. తన పెద్దన్న శేషమరాజు వద్ద ఉంటూ చదువుకునేవాడు. శేషమరాజు వృత్తిరీత్యా ఉపాధ్యాయుడు కావడంతో తరచూ బదిలీలు అయ్యేవి.

ఆయనతో పాటు సత్యనారాయణరాజు కూడా వెళ్లేవాడు. అలా ఉరవ కొండలో ప్రాథమికోన్నత పాఠశాలలో విద్యాభ్యాసం కొనసాగుతూ ఉండేది. పాఠశాలలో మౌనంగా ఉండడం, తనకు ఇష్టమైనప్పుడు అక్కడి సమీపంలో ఉన్న అబ్కారీ ఇన్‌స్పెక్టరు బంగళా ఆవరణంలోని పెద్ద రాతి గుండుపై కూర్చుని ఆలోచిస్తూ గడిపేవారు. 1940 ఆగష్టు 20న పాఠశాలకు వెళ్లి ఇంటికి తిరిగి వస్తూ ఇంట్లోకి రాగానే తన చేతిలోని పుస్తకాల సంచీని ఇంటిలోనికి విసిరి కొట్టి ‘‘మాయ వీడినది నేను సత్య నారాయణుడిని కాదు .. సాయిబాబాను .. నేను నా కర్తవ్యా న్ని నిర్వహించాల్సి ఉంది .. నా భ క్తులు నన్ను పిలుస్తు న్నారు.. నేను వెళ్తున్నా ను’’ అంటూ అబ్కారీ ఇన్‌స్పెక్టరు బంగళా లోని రాతి గుండుపై కూర్చుండి పోయాడు. అప్పుడు ఆయన వయస్సు 14 సంవత్స రాలు. ఎనిమిదవ తరగతి చదువుతున్నారు. అక్కడే రాతిగుండుపై ధ్యానంలో మునిగిపోయాడు. ఈ విషయం ఆ నోటా ఈ నోటా ఉరవకొండ గ్రామమంతా పాకిపోయింది.

అక్కడికి వచ్చిన భక్తులకు తాను నేటి నుంచి సత్యనారాయణ రాజును కాదని సత్యసాయిబాబానని ప్రకటించుకున్నారు. మానవ జాతిని అసత్యం నుంచి సత్యం వైపునకు, చీకటి నుంచి వెలుగుకు నడిపించే గురుచరణములను పూజించి దుర్భరమైన సంసార సాగరాన్ని దాటడానికి ప్రయత్నించండంటూ ప్రభోదిస్తూ .. మొదటిసారిగా ‘‘మానస భజరే గురచరణం దరుస్తర భావసాగర తరణం’’ అనే భజన గీతాన్ని భక్తుల చేత ఆలపింప చేశారు. సత్యనారాయణ రాజు ఇంటి నుంచి వెళ్లిపోయి అవతార ప్రకటన చేసిన సంగతిని శేషమరాజు ద్వారా తెలుసుకున్న తల్లితండ్రులు ఉరవకొండకు చేరుకున్నారు. తీసుకెళ్లడానికి ప్రయత్నించిన తల్లితండ్రులను బాబా వారించారు. దీంతో కళ్లనీళ్లు పెట్టుకున్న బాబా తల్లి ఈశ్వరమ్మ తమ కళ్లెదుటే ఉండి ఏమి చేసినను తమకు సమ్మతమేనని తె లపడంతో సత్యసాయిబాబా పుట్టపర్తికి చేరుకున్నారు. అక్కడి నుంచే తన ప్రేమ తత్వాన్ని సర్వలోకానికి చాటడం మొదలుపెట్టారు.

సత్యసాయి – గీతాసారం
Puttaparti_fy4‘భగవద్గీతను అందరూ చదవగలరు. కొంత మందే దాని సారాన్ని గ్రహించగలుగుతారు. శ్రీకృష్ణుడు బృందావనంలో వేణుగానాన్ని ఆలపించాడు. అదే వేణుగానాన్ని యుద్ధభూమిలోనూ ఆలపించాడు. రుద్రభూమి అయినా, భద్రభూమి అయినా ఆ పరమాత్మునికి సమానమైనవే. తన ఉపదేశాలను వినిపించడానికి ఈ రెండు ప్రదేశాలను సమానంగా భావించాడు.

అందుకే ఆయన భక్తుడైన అర్జునుడు యుద్ధభూమిలో, తనను ఆరాధించే గోపికలు బృందావనంలో వేణుగాన సందేశాన్ని స్వీకరించగలి గారు. ఈ రెండింటిలో ఉన్న తేడా ఒక్కటే. అదే ఏకాగ్రత. ఏకాగ్రతను పెంపొందిం చుకుంటే కురుక్షేత్రంలోనైనా గీతాసారాన్ని గ్రహించగలం. అది భగవద్గీత అయినా, సాయిగీత అయినా, సత్యసాయి గీతాసారాంశమైనా దాన్ని స్వీకరించగలుగుతాం.

నేను మీకు ఇచ్చే సలహా ఒక్కటే. ముందుగా మీ భౌతిక అవసరాలపై శ్రద్ధ పెట్టండి. అనంతరం మీ అంతర్గత శక్తిని మేల్కొలపండి. పదును పెట్టండి. రోజూ ఉదయం ఒక గంట, రాత్రి ఒక గంట, బ్రహ్మ ముహూర్తం లో మరో గంట జపాల ద్వారా, మెడిటేషన్‌ ద్వారా సాధన చేయండి. అంత ర్గత శక్తిని చైతన్యపరచండి. దాని ప్రభావమేంటో మీకు అర్థమౌతుంది. సాధనను నిరంతరం కొనసాగిస్తే ప్రశాంతతను, మానసిక బలాన్ని పొంద గలుగుతారు. ఏకాగ్రత శక్తి ఏమిటో తెలుస్తుంది.

(గోఖలే మహల్‌, మద్రాస్‌, 25-3-1958)

సాయి పాద ధూళితో.. పరమపావనం
Puttaparti_fy2మేజర్‌న్యూస్‌బ్యూరో, అనంతపురం: పుట్టపర్తిలో ప్రశాంతి నిలయం అనగానే బాబా దర్శనం ఇచ్చే ప్రాంతం ఆయన నివసించే ప్రాంతాలన్న సంగతి గుర్తుకు వస్తాయి. ప్రశాంతి నిలయంలో అనేక ఇతర నిర్మాణాలు ఉన్నాయి. ఆలయాలు, షాపింగ్‌ మాల్స్‌, భక్తుల విడిది ప్రదేశాలు లాంటివి అనేకం ఉన్నా పేరుకు తగ్గట్టుగానే ప్రశాంతి నిల యం ప్రశాంతంగానే ఉంటుంది. ఎన్ని వేల మంది ఇక్కడ ఉన్నా ఏ మాత్రం అలికిడి లేకుండా ఇక్కడ నిశ్శబ్దవాతా వ రణం తాండవిస్తూ ఉంటుంది. ప్రశాంతి నిలయంలోని ఇ తర నిర్మాణాల్లో ముఖ్యమైన వాటిని ఒకసారి పరిశీలిస్తే…

1.సాయి కుల్వంత్‌ హాలు. 2. గ్రీన్‌రూమ్‌. 3. యజు ర్వేద మందిరం. 4. వినాయకుని గుడి. 5. శ్రీనివాస గెస్ట్‌హౌస్‌. 6.శాంతిభవన్‌. 7.సౌత్‌ ఇండియన్‌ క్యాంటీన్‌. 8.నార్త్‌ ఇండియన్‌ క్యాంటీన్‌. 9. షాపింగ్‌ కాంప్లెక్స్‌. 10. సర్వమత స్థూపం. 11.గాయత్రీ దేవాలయం. 12.సుబ్రహ్మణ్య స్వామి దేవాలయం.

సాయి కుల్వంత్‌ హాలు: రూ. రెండు కోట్ల వ్య యం తో సాయి కుల్వంత్‌ హాలును నిర్మించా రు. బాబా దర్శనార్థం వచ్చే భక్తుల కోసం దీనిని ఏర్పాటు చేశారు. ఇక్కడే బాబా భక్తులకు దర్శనమిస్తారు. ఇక్క డ ఒకేసారి 20 వేల నుంచి 30 వేల మంది వరకూ భక్తులు ఉండవచ్చు. ఉదయం, సాయంత్రం వేళల్లో బాబా రావ డానికి ముందు ఇక్కడ భజనలు, కీర్తనలు కొనసాగుతూ ఉంటాయి.

గ్రీన్‌ రూమ్‌ : దేశ విదేశాల నుంచి బాబా దర్శనార్థం విచ్చేసే విఐపి, వివిఐపి భక్తులకు బాబా ఈ గ్రీన్‌రూ మ్‌లోనే ఇంటర్య్వూలు ఇస్తారు. ఇక్కడే వారికి దర్శ నం, ఆశీర్వచ నాలు ఉంటాయి. దర్శన సమ యంలో బాబా ఇక్కడే విశ్రాంతి తీసు కుంటారు.

యజుర్వేద మందిరం: బాబా విశ్రాంతి తీసుకునే మందిరం. బాబా పుట్టపర్తిలో ఉన్నన్ని రోజులూ దర్శన సమయం మినహా యజుర్వేద మందిరంలోనే గడిపే స్తారు. భోజన ఏర్పాట్లు మొదలు అన్నీ ఇక్కడే బాబా చూసుకుంటారు. ట్రస్టు సభ్యులతో మంతనాలు, చర్చలు, కీలక నిర్ణయాలు ఇక్కడే తీసుకుంటారు.

శ్రీనివాస గెస్ట్‌హౌస్‌: టీటీడీ మాజీ ఛైర్మన్‌ డికె. ఆదికేశ వులు నాయుడు దీనిని నిర్మించారు. వివిధ దేశాలకు చెందిన వివిఐపిలకు ఇక్కడే బస ఏర్పాటు చేస్తారు.
శాంతి భవన్‌: ప్రముఖులు ప్రశాంతి నిలయానికి వచ్చి నప్పుడు వారి విశ్రాంతి కోసం ఏర్పాటు చేశారు.

సౌత్‌ ఇండియన్‌ క్యాంటీన్‌: ప్రశాంతి నిలయానికి వచ్చే భక్తుల సౌకర్యార్థం దీనిని ఏర్పాటు చేశారు. భక్తులకు అతి తక్కువ ధరలో అల్పాహారం, టీ, భోజనాల ఏర్పాట్లు ఉంటాయి. ఇక్కడికి వచ్చే ప్రము ఖులకు సైతం ఇక్కడ తయారు చేసిన వంటకాలనే అందిస్తారు.

నార్త్‌ ఇండియన్‌ క్యాంటీన్‌: ఉత్తరాది భక్తుల కోసం నార్త్‌ ఇండియన్‌ క్యాంటీ న్‌ను ఏర్పాటు చేశారు. ఉత రాది సంప్రదాయానికి అనుగుణంగానే ఇక్కడ వంట కాలు ఉంటాయి. ఇక్కడ కూడా అతి తక్కువ ధరకే టీ, అల్పాహారం, భోజన సౌకర్యాలు ఏర్పాటు చేశారు.

వినాయక విగ్రహం: ప్రశాంతి నిలయం ప్రధాన గే టు కు ఎదురుగా వినాయక విగ్రహం ఉంది. ఇది ఉద్భవ లింగంగా ప్రచారంలో ఉంది. ఇక్కడ పూజలు చేసిన వారికి వారు కోరిన కోరికలు, సమస్యలు తీరుతాయ న్న నమ్మకం ఉంది. భక్తులు వినాయక విగ్రహానికి పూజలు చేసి, బాబా దర్శనానికి వెళతారు.

వసతి గృహాలు: భక్తులకు తక్కువ ధరకే గదులు కేటాయించడానికి వీలుగా గదులను నిర్మించారు. విదేశీ యులకు ప్రత్యేకంగా గదులు, వసతులు న్నాయి. డార్మెటరీలు కూడా తక్కువ ధరలోనే అందు బాటులో ఉన్నాయి.

సర్వమత స్థూపం: యజుర్వేద మందిరానికి సమీ పంలో సర్వమత స్థూపం ఉంది. యజుర్వేద మంది రం నిర్మించడానికి పూర్వమే దీనిని ఇక్కడ ఏర్పాటు చేశారు. సత్యం, ధర్మం, ప్రేమ, శాంతి, అహింసలకు గుర్తుగా దీనిని ఏర్పాటు చేశారు.

షాపింగ్‌ మాల్స్‌: భక్తుల సౌకర్యార్థం షాపింగ్‌ మాల్స్‌ను కూడా ప్రశాంతి నిలయంలో ఏర్పాటు చేశారు. ఇక్కడ నిత్యావసర వస్తువుల మొదలు అన్ని వస్తువులు అతి తక్కువ ధరలకే అందుబాటులో ఉంచారు. ఉదయం రెండు గంటలు, సాయంత్రం రెండు గంటల పాటు మాత్ర మే షాపింగ్‌ మాల్స్‌ తెరు స్తారు. ఉదయం స్ర్తీలు, సాయం త్రం పురుషులకు ఇ క్కడ ప్రవేశం ఉంటుంది. గాయత్రీ దేవాలయం, సు బ్రహ్మణ్యేశ్వర స్వామి దేవాలయం కూడా ఉన్నాయి.

సత్యసాయి – ధైవమార్గం
Puttaparti_fy3జీవితం అనేది పరమాత్ముని సన్నిధికి చేరుకోవడానికి ఉద్దేశించిన యాత్ర. ఆ భగవంతున్ని చేర్చడానికి మీ ముందు ఉన్న మార్గం అసత్యాలతో నిండి ఉంది. మీ ప్రయాణాన్ని ఎలా ఆరంభిస్తారు? ధైర్యంగా, సడలని విశ్వాసంతో, ప్రశాంతత చిత్తంతో, అచంచల మనస్సుతో ముందుడుగు వేయండి. అప్పుడే లక్ష్యాన్ని, విజయాన్ని అందుకోగలు గుతారు. ఈ మార్గంలో మీ లోని మరో మనిషి ప్రయాణానికి అవసరమైన బండికి మనస్సు, మేధస్సు జోడెద్దుల్లాంటివి. మనస్సు, మేధస్సు అనే జోడెద్దులు సత్యం, ధర్మం, శాంతి, ప్రేమ అనే సన్మార్గంలో ప్రయాణించడానికి ఇష్టపడ వు. అసత్యం, అన్యాయం, చింత, అసహనం మార్గంలో మిమ్మల్ని తీసుకెళ్తా యి. మిమ్మల్ని సన్మార్గంలో ప్రయాణించేలా మీరే వాటికి శిక్షణ ఇవ్వాలి. బానిసత్వం, పరాధీనత వైపు మొగ్గు చూపకుండా మీరే నిరోధించాలి. మీ చిన్నారి తన చేష్టలతో మీరు ఎంతో సంతోషిస్తారు. మీరు వేరే పనిలో ఉన్నప్పుడు ఆటంకం కలిగిస్తే ఆగ్రహిస్తారు. ఇది చాలా సహజమైన ప్రక్రి య. జీవితంలో, సంతోషంలో ఉన్న విభిన్న పార్శ్యాలు అంటే అవే. అందుకే దీన్ని రెండింటినీ సమానంగా భావించేలా మనస్సును మలచుకోండి. సరిదిద్దుకోండి. సంతోషానికి, దుఖాఃనికి కారణభూతమైనది మనస్సే. ప్రపంచంలో జరిగే సహజ సిద్ధ పరిణామాలను, వాస్తవాన్ని సహజంగా గ్రహించేలా మనస్సును నియంత్రించుకోండి. అదే నిజమైన విద్య.

(తిరువనంతపుపురం, 20-12-1958)

” ఈ మహిమలు ప్రదర్శన కోసం కాదు. ఇవి నా దివ్యత్వానికి నిదర్శనం. నా దివ్యత్వం అనంతం. పంచభూతాలు నా హస్తగతం. నా సంకల్పం నిర్వికల్పం. ఎంతటి కష్టతరమైనదైనా జరిగి తీరుతుంది. ఇన్ని లక్షల మంది నా దర్శనార్ధం వస్తున్నారంటే వాటి ఆవశ్యకత ఎంతో ఏమిటో ఇట్టే అర్ధమవుతుంది. సాధన వల్ల సంక్రమించిన శక్తులను సిద్ధులంటారు. అవి సాధన వల్ల సిద్ధిస్తారుు. సాధన యొక్క ప్రాబల్యం అంతరించగానే ఆ శక్తులు అంతరిస్తారుు. నా శక్తులు జన్మత: వచ్చినవి. ఇవి స్వయంసిద్ధం. ఈ శక్తులు నా సంకల్పానుసారం దినదిన ప్రవర్ధమానమవుతారుు కానీ తరగవు. నేను చేసే మిరకిల్స్‌ అన్నీ భక్తుల యోగక్షేమాల కొరేక. “
” దైవప్రీతి కూడా అందరికీ అంత సులభంగా కలుగదు. అనేక జన్మల సంస్కారమే అట్టిదానికి కారణం. భూమిలో ఎప్పుడో ఒకప్పుడు పడిన విత్తనమే వర్షము కురిసిన తర్వాత మెుక్క కావచ్చును కానీ, విత్తనమే లేకున్నచో ఎంత వాన కురిసిననూ, ఎంత ఎరువు వేసిననూ మెుక్క రాదు. అటులనే ఏనాడో ఏ జన్మలోనో సంస్కారమను విత్తనము హృదయ భూమిలో దాగి యుండిననే సత్సంగమను వర్షము కురిసి సాధనయను ఎరువు తోడగుట చేత సన్నిధి అను పెన్నిధి మెుక్క చక్కగా బహిర్ముఖమై ఫలముల నందించును. దానికి మనోవాక్కాయముల తపస్సు అత్యవసరము. అదే మెుక్కను కాపాడు కంచె.”

ఏప్రిల్ 25, 2011 Posted by | భక్తి | , , | 1 వ్యాఖ్య

పోషక, ఔషధ పరిమాళాల జామ

పోషక, ఔషధ పరిమాళాల జామ
పెరటిలో పెంచుకోదగిన ఫల జాతులలో జామ చెట్టు ప్రత్యేకమైంది. కేవలం పండును మాత్రమే కాదు.. ఆ పండును ముక్కుతో పొడిచి తినే రామచిలుకల దృశ్యం కూడా జ్ఞాపకమే..కానీ జామ పండ్లను చిన్న చూపు చూసే వారు కూడా వున్నారు. పోషక విలువలో ఆపిల్‌తో సరితూగే జామను నిర్లక్ష్యం చేయడం విచారకరం.

guavaఇంగ్లీషులో ‘గావా’గా పిలువబడుతున్న జామ‘గావా ఆపి ల్‌’గా పేరొందింది. ఆపిల్‌ కన్నా సరసమైన ధరలో లభిస్తు న్నందన‘పేదల పాలిటి ఆపిల్‌’గా కూడా ప్రసిద్ధి. పీచుపదార్థాలు పుష్కలంగా ఉండే వాటిలో జామపండును పేర్కొనవచ్చు. విటమిన్లు ప్రధానంగా ‘సి’ విటమిను నారింజపండు కంటే 5 రెట్లు అధికమని అంచనా. కొలెస్ట్రాల్‌ బొత్తిగా వుండదు.యాంటికాన్సర్‌ కారకాలైన యాంటి యాంటిఆక్సిడెంట్లు సమృద్ధిగా ఉన్నాయని శాస్తజ్ఞ్రుల అధ్యయనంలో తేలింది. వైటమిన్‌ ‘ఎ’, మానవశరీర నిర్మాణంలో ఎంతో ప్రాముఖ్యత కలిగిన బీటా కెరోటిన్లు ఈ పండులో సమృద్ధిగా వున్నాయి. మధుమేహ వ్యాధి గ్రస్తులకు నిషేధించబడని ప్రయోజనకారి జామపండు. అయితే వీటి లోనూ దోరకాయ చాలా మంచిది.

వృక్షశాస్త్ర వర్గీకరణలో ‘మిర్టేసి’ కుటుం బానికి చెందిన జామను శాస్ర్తీయంగా ‘సీడియమ్‌ గావా’గా పిలుస్తారు. ఉష్ణ, ఉపఉష్ణమండలాలలో విస్తరించి మధ్య రకమైన ఎత్తులో వుండే జామ పుష్పాలు తెలుపు రంగులో వుంటాయి. అనేక కేసరాలు లేత పసుపు వర్ణం లో పొందికగా చూడముచ్చటగా కనిపిస్తాయి.ఫలాలు తెలుపు లేక ఎరుపు, ఆరంజి రంగుల్లో వున్న కండను కలిగి వుండి మధ్య భాగంలో చిన్న చిన్న విత్తనాలు అమరి వుంటాయి. చిన్నవైనా ఇవి దృఢంగా వుంటాయి. కొన్ని రకాలలో మెత్తగానూ వుంటాయి.చెట్ల నుండి మనం పొందే అన్ని రకాల ఫలాలలోకి శక్తివంత మైన యాంటిఆక్సిడెంట్ల విలువలు అధికం.తెల్ల గుజ్జులో కంటే ఎరుపు, ఆరంజి కండలో బీటాకెరోటిన్లు, పాలిఫినాల్స్‌, కెరటి నాయిడ్స్‌ హెచ్చు.పోషకవిలువల రీత్యా 165 గ్రా విడి పండులో నిపుణుల పరిశీల ప్రకారం

ఔషధ రీత్యా పరిశీలిస్తే…
guava1

    • చెట్టు బెరడు డికాక్షన్‌ సూక్ష్మజీవులను నశింపజేస్తుంది. 2,3 ఆకులను నమిలితే దంతాలు శుభ్రపడతాయి. దృఢత్వం కూడా చేకూరుతుంది. 5,6 ఆకులను నీటిలో మరగకాచి డికాక్షన్‌ వాడి తే దగ్గు, జలుబు పోతుంది. ఆకుల నుండి లభించే తైలం యాంటి ఆక్సిడెంట్ల చర్యలను వేగవంతం చేస్తాయి. ఆకులతో తయారైన మందులు డయేరియా, డిసెంట్రీలకు మంచి ఫలితాన్నిస్తాయి.
    • బాగా మాగిన పండును రోజూ తీసుకుంటే రక్తపోటు నియం త్రణలో వుంటుంది. ఎసిడిటికి కూడా రోజుకో పండును వాడితే మంచిది. పచ్చి కూరగాయ ముక్కలతో పాటు జామకాయ ముక్క లను కలిపి వాడితే ఊపిరితిత్తుల వ్యవస్థ సక్రమంగా పనిచేయడా నికి దోహదం చేస్తుంది.
    • ఇందులోని కెరొటినాయిడ్స్‌, ఐసోఫావో నాయిడ్స్‌, పాలిఫినాల్స్‌ మెదడు కణాలు చురుకుగా పనిచేయడానికి తోడ్పడతాయి.
    • కాలిన గాయాలకు గుజ్జును రాస్తే తొందరగా ఉపశమనం దొరుకుతుంది. డైటింగ్‌ చేసేవారికి జామపండు బలవర్ధక ఆహారం.
    • లేత పసుపు, తెలుపు, లేత ఆకుపచ్చ రంగులలో గుండ్రంగా లేదా అండాకారంలో వుండే జామపండ్లు సువాసన కూడా కలిగి వుంటాయి. ఈ సువాసన వల్లే ఇంటిలో ఎక్కడ వున్నా ఇట్టే పట్టే యవచ్చు. ఏ మాత్రం అవకాశం వున్నా ఈ చెట్లను పెంచి తాజా ఫలాలను పొందవచ్చు. జామ పండును నాలుగు భాగాలు చేసి చిటికెడు ఉప్పు, కారం లేక మిరియాల పొడిని చల్లి తింటే చాలా బాగుంటుంది. జామ్‌, జెల్లీ, సలాడ్స్‌, కెండిల్స్‌ వగైరాలలో వీటిని వాడుతూ వుండటం తెలిసిందే.
    • పోషకాల రీత్యా, ఔషధ గుణాల రీత్యా ఇంతటి విశేషాలున్న జామ పండును ఉపేక్షించక ఆహారంగా తీసుకుంటే ఎంతో మేలుకలుగుతుంది.
శక్తి... 		   112 కెలరీలు.
పీచు పదార్థాం 		8.9గ్రా
పిండి పదార్థం 		23.6గ్రా
మాంసకృత్తులు 		4.2గ్రా
కొవ్వు పదార్థం 		1.6 గ్రా
పొటాషియం 		688మి.గ్రా
భాస్వరం 			66 మి.గ్రా
సున్నం 			30 మి.గ్రా
వైటమిన్‌ ‘ఎ’(రెటినాల్‌) 	1030 మైక్రోగ్రా
వైటమిన్‌ ‘సి’(ఆస్కార్బిక్‌ ఆమ్లము)377 మిగ్రా
ఫోలిక్‌ ఆమ్లము 		81 మిగ్రా

– కె.భార్గవి

surya telugu

ఏప్రిల్ 22, 2011 Posted by | ఆరోగ్యం | 2 వ్యాఖ్యలు

వెబ్‌ ప్రపంచంలో… సంపన్నులు

వెబ్‌ ప్రపంచంలో… సంపన్నులు
వ్యాపారలావాదేవీల్లో ఎంతో తెలివితేటలు ప్రదర్శించి కోట్లకు పడగెత్తినవారు అనేమంది ఉన్నారు. వారసత్వంగా, కుటుంబపరంగా వచ్చిన వ్యాపార, వాణిజ్య సంస్థలను మరింత అభివృద్ధి చేసి కోటీశ్వరులెైనవారూ ఉన్నారు. వ్యాపార రంగం తీరుతెన్నులు అర్థం కాక చేతులెత్తేసిన వాళ్లూ లేకపోలేదు. ఆధునిక కాలంలో పెరుగుతున్న సాంకేతిక అంశాలను దృష్టిలో ఉంచుకుని ఇంటర్‌నెట్‌ రంగంలోకి దిగి ప్రపంచమంతా ఆకట్టుకొనే డాట్‌కామ్‌లు సృష్టించి సంపన్నుల జాబితాలో చేరిన కొందరు ప్రముఖులు ఉన్నారు.

లారీపేజ్‌ – గూగుల్‌
నికర ఆస్తి : 18.6 బిలియన్‌ డాలర్లు
Anurag-dixitస్ట్రాన్‌ఫోర్డ్‌లో కంప్యూటర్‌ సైన్సెస్‌ పి హెచ్‌డి చేశాడు లారీ పేజ్‌. ఇతను రష్యా కి చెందినవాడే అయినా మిచిగన్‌లో పెరిగాడు. ఆయన 1998లో స్నేహితుని గ్యారేజ్‌ నుంచీ గూగుల్‌ ప్రారంభించాడు. ఆయన సంస్థకు తొలి దశలో స్టాన్‌ఫోర్డ్‌ ఎండోమెంట్స్‌, ఏంజిల్‌ ఇన్‌వెస్టర్లు కె.రామ్‌ శ్రీరామ్‌, ఆండీ వాన్‌ బెక్టోల్షీమ్‌లు ఆర్ధిక మద్దతు నిచ్చారు. దాంతో మరో 25 మిలియన్‌ డాలర్ల వెంచర్‌ క్లినర్‌ పార్కిన్స్‌ను 1999లో ప్రారంభించారు. అనుకున్న లక్ష్య సాధన కోసం 2001లో సాంకేతిక నిపుణు డు ఎరిక్‌ ిస్మిత్‌ను తీసుకున్నాడు. వెబ్‌ వీడియో పోర్టల్‌ యూట్యూబ్‌ను 1.65 బిలియన్‌ డాలర్లకు 2006లో కొని తన ప్రధాన కార్యాలయాన్ని కాలిఫోర్నియాలోని మౌంటెన్‌ వ్యూకి మార్చాడు. ఇదే సోలార్‌ పవర్‌ ప్రధాన స్థావరంగానూ మారింది. 2007లో అత్యధికంగా 740 బిలియన్‌ డాలర్ల షేర్‌తో ఉన్నత స్థాయిలో నిలిచాడు.

పెరియాద్‌ – ఈ-బే
నికర ఆస్తి : 7.7 బిలియన్‌ డాలర్లు.
david-filo ఫ్రాన్స్‌లో జన్మించిన ఈ కంప్యూటర్‌ ప్రోగ్రామర్‌ 1995లో ఆన్‌లెైన్‌ ఆక్షన్‌ ఈ-బేను ప్రారంభించాడు. మిలియన్‌మందికి పెైగా తమ రాబడికి దీన్నో అవకాశంగా వినియోగించుకున్నారు. అయితే 1998లో కార్యనిర్వాహక అధికారాలను మెగ్‌ విట్‌మాన్‌కు అందజేసి తాను చెైర్మన్‌గా ఉన్నాడు. పెరియాద్‌ తన నెట్‌వర్క్‌ ద్వారా ఎందరికో సహాయసహకారాలు అందిస్తూ సమాజ సేవలో పాలుపంచుకుంటున్నాడు.

డేవిడ్‌ ఫిలో – యాహూ
నికర ఆస్తి : 2.5 బిలియన్‌ డాలర్లు
periodజెర్రీ యంగ్‌తో కలిసి 1996లో యూ హూ పోర్టల్‌ ప్రారంభించాడు. వెబ్‌ లో కంలోకి ప్రొఫెషనల్‌ మేనేజ్‌మెంట్‌ను పరిచయం చేసిన ఘనుడాయన. 2007లో చీఫ్‌ ఎగ్జిక్యూటివ్‌ సెమెల్‌ విడిపోయాడు. గత జూన్‌లో యాంగ్‌ ఛీఫ్‌ ఎగ్జిక్యూటివ్‌ అయ్యాడు. యాహూను కొనడానికి మైక్రోసాఫ్ట్‌ చేసిన ఆఫర్‌ను తిరస్కరించాడు. అలీబాబా డాట్‌కామ్‌ లో 40శాతం వాటాను 2005లో కొన్నాడు. చెైనాలో బిజినెస్‌ విస్తరించి లాభాలు గడించాడు. దీనికి యాంగ్‌ కృషి అపారం.

టాడ్‌ వాగ్నర్‌ – బ్రాడ్‌కాస్ట్‌ డాట్‌ కామ్‌
నికర ఆస్తి : 1.5 బిలియన్‌ డాలర్లు
న్యాయవాది అయిన వాగ్నర్‌ తన కెరీర్‌ మార్చుకుని బ్రాడ్‌కాస్ట్‌ డాట్‌కామ్‌ అనే ఇంటర్నెట్‌ వీడియోను ప్రారంభించా డు. దీన్నే 1999లో యాహూకి 5.7 బిలియన్‌ డాలర్లకు అమ్మేశాడు. ఇపుడు ఆ కంపెనీ లేదు. వాగ్నర్‌ హాలీవుడ్‌ వెళ్లాడు. క్యూబన్‌కు మంగోలియా పిక్చర్స్‌, లాండ్‌మార్క్‌ థియేటర్స్‌, హెచ్‌డి నెట్‌, లయన్స్‌ గేట్‌ వంటి సంస్థల్లో 29 శాతం భాగస్వామ్యం ఉంది. వియ్‌ ఓన్‌ ది నెైట్‌ ను 1999 మేలో సోనీకి 11.5 మిలియన్‌ డాలర్లకు అమ్మాడు. ఆ కార్యక్రమంలో ప్రముఖ నటులు జావోకిన్‌ ఫోని క్స్‌, మార్క్‌ వాల్‌బెర్గ్‌ తదితరులు పాల్గొనానరు.

మార్క్‌ జకర్‌బెర్గ్‌ – ఫేస్‌బుక్
నికర ఆస్తి : 1.5 బిలియన్‌ డాలర్లుసాంకేతిక నిపుణుల్లో మేటిగా మన్ననలు అందుకున్న మార్క్‌ జకర్‌ బెర్గ్‌ ఫేస్‌బుక్‌ అనే నెట్‌వర్క్‌ సైట్‌ను 2004లో ప్రారంభించాడు. మరుసటి సంవత్సరమే సిలికాన్‌ వ్యాలీకి మకాం మార్చాడు. పేపాల్‌ నెలకొల్పినవారిలో ఒకడెైన పీటర్‌ థీల్‌ అయిదు లక్షల డాలర్ల పెట్టుబడి పెట్టాడు. అంతే వ్యాపారం మూడింతలెై యాక్సెల్‌ పాట్నర్స్‌, గ్రెలాక్‌ పాట్నర్స్‌ వంటి వెంచర్లు ప్రారంభించాడు. ఇపుడు ఫేస్‌బుక్‌కి దాదాపు 70 మిలియన్ల మంది యూజర్లు ఉండడం విశేషం. వార్షి క రాబడి సుమారు 150 మిలియన్‌ డాలర్లు ఉంటుంది. కాలేజ్‌ ఓన్లీ మెసేజ్‌ వి దానాన్ని అధిగమించి ఇపుడు 55 వేల పాఠశాలలు, వ్యాపారసంస్థలు, సిటీ నెట్‌వర్క్‌లు వీరి సేవలు అందుకుంటున్నాయి. 2006లో న్యూ ఫీడ్‌ ప్రారంభిం చాడు. గత ఏడాది ఫేస్‌బుక్‌ బీకన్‌ ప్రా రంభించి వివాదాల్లో చిక్కుకున్నాడు. చాలామంది తమ స్నేహితుల కార్యకలాపాలను కొన్ని ఎంపికచేసిన సైట్స్‌లో ఉం డటాన్ని గురించి జాగ్రత్తలు తీసుకున్నా రు. గత అక్టోబర్‌లో మైక్రోసాఫ్ట్‌ 240 మిలియన్‌ డాలర్ల పెట్టుబడులు పెట్టింది. అయితే ఈ ఒప్పందంతో ఫేస్‌బుక్‌ విలు వ ఇపుడు 15 బిలియన్‌ డాలర్లకు తగ్గిం దని అంటున్నారు.

రాబిన్‌ లీ – బెైడ్‌ డాట్‌ కామ్‌
నికర ఆస్తి : 1.4 బిలియన్‌ డాలర్లు
బెైడు డాట్‌కామ్‌ వ్యవస్థాపకుల్లో ఒకడు. చెైనాలో ప్రసిద్ధి పొందిన ఇంటర్నెట్‌ సర్చ్‌ ఇంజన్‌ ఎగ్జిక్యూటివ్‌ రాబిన్‌ లీ 1990ల్లో సిలికాన్‌ వ్యాలీలో ఇన్‌ఫోసీక్‌ సర్చ్‌ ఇంజ న్‌ పయనీర్‌తో కలిసి పనిచేశాడు. 2000లో బెైడు డాట్‌కామ్‌ను ప్రారంభిం చాడు. 2005 నాస్డాక్‌ షేర్స్‌లో ఆయన కంపెనీ నిలిచింది. లీ త్వరలో ఇ-కామర్స్‌ మార్కెట్లోకి వస్తున్నట్టు ప్రకటించాడు.

అమరాగ్‌ దీక్షిత్‌ – పార్టీగేమింగ్‌
నికర ఆస్తి : 1.6 బిలియన్‌ డాలర్లు
larry-pageమామూలు ఇంజనీర్‌ స్థాయి నుంచీ ఆన్‌లెైన్‌ గ్యాంబ్లింగ్‌ మొగల్‌గా మారాడు దీక్షిత్‌. న్యూఢిల్లీ ఐఐటిలో కంప్యూటర్‌ సైన్స్‌ డిగ్రీ, ఇంజనీరింగ్‌ డిగ్రీలు పొందిన దీక్షిత్‌ మొదట సిఎంసి, వెబ్‌సి, ఎటి అండ్‌ టి వంటి సంస్థల్లో పనిచేశాడు. పార్టీ గేమింగ్‌ నెలకొల్పిన అమెరికా ఇంజనీర్‌ రత్‌ పారాసోల్‌తో కలిసి స్టార్‌లక్‌ కాసినోవాను 1997లో ఇంటర్నెట్‌లో ప్రారంభించాడు. మరుసటి ఏడాది ఆ సంస్థ లో చేరిన దీక్షిత్‌ కంపెనీ బెట్టింగ్‌ సాఫ్ట్‌వేర్‌ను రాశాడు. దీంతో ప్రపంచంలో ఎక్కడెైనా సరే గ్యాంబ్లింగ్‌లో సులభంగా ఆడేందుకు వీలయింది. అయితే ఈ తరహా వ్యాపారంపెై అమెరికా చట్టాలు నిషేధం విధించడంతో సంస్థ నుంచి బయటికి వచ్చాడు. అయినా అందులో చెప్పుకోదగ్గ స్థాయిలో ఆయనకు భాగస్వామ్యం ఉంది.

కె.రామ్‌ శ్రీరామ్‌ – జంగ్లే, నౌకరీ డాట్‌కామ్‌, స్టంబుల్‌ అపాన్‌డాట్‌కామ్‌నికర ఆస్తి : 18.6 బిలియన్‌ డాలర్లు
todd-wagnerభారత దేశానికి చెందిన ఈ ఫెైనాన్సియర్‌ జంగ్లీని ప్రారంభించి 1998లో అమెజాన్‌కు అమ్మేశాడు. నెట్‌స్కేప్‌, అమేజాన్‌లలో పనిచేశాడు. 2000లో షెర్పాలో అనే సంస్థను ప్రారంభించాడు. గూగుల్‌ తొలినాళ్లలో బోర్డ్‌ సభ్యుడెైన శ్రీరామ్‌ 2004లో మూడు మిలియన్‌ షేర్లకు పెైగా అమ్మేశాడు. ప్రస్తుతం మన దేశంలో, అమెరికాలో 24/7 కస్టమర్‌, ఫ్రంట్‌లెైన్‌ వెైర్‌లెస్‌, జాజల్‌డాట్‌కామ్‌ వంటి సాంకేతిక సంస్థలకు మద్దతునిస్తున్నాడు. 2007లో ఆన్‌లెైన్‌ క్లాసిఫెైడ్‌ సైట్‌ స్టంబుల్‌ అపాన్‌ డాట్‌ కామ్‌ను ఈ-బేకి అమ్మేశాడు. ఇక శ్రీరామ్‌ నౌకరీ డాట్‌కామ్‌ వ్యవస్థాపకుడు ప్రపంచవ్యాప్తంగా ఎంతో పేరుతెచ్చుకున్నారు.

surya Telugu Daily .

ఏప్రిల్ 16, 2011 Posted by | వార్తలు | వ్యాఖ్యానించండి

ప్రపంచంలోని మరో వింత! భోపాల్‌ తాజ్‌మహల్‌

ప్రపంచంలోని మరో వింత! భోపాల్‌ తాజ్‌మహల్‌
ఆగ్రాలో ఉన్న అందమైన కట్టడం తాజ్‌మహల్‌ ప్రపంచంలోని ఏడు వింతల్లో ఒకటిగా నిలిచి పేరు తెచ్చుకుంది. ఈ అద్భుత కట్టడం గురించి అందరికీ తెలిసిందే. కానీ మన దేశంలో మరో తాజ్‌ మహల్‌ కూడా ఉందన్న విషయం చాలా మందికి తెలియదు. ఈ తాజ్‌ మహల్‌ భోపాల్‌లో ఉండడం విశేషం.ఒకప్పుడు ప్రపంచంలోని అతిపెద్ద రాజప్రాసాదంగా పేరుగాంచిన ఈ అద్భుత చారిత్రక కట్టడం గురించి..

taj-mahal-bhopal1భోపాల్‌ రాజ్యాన్ని పరిపాలించిన 11వ పరిపాలకురాలు నవాబ్‌ షాజ హాన్‌ బేగమ్‌ ఎన్నో అందమైన కట్టడాలను నిర్మించారు.1868 నుంచి 1901 వరకు ఆమె భోపాల్‌ను పరిపాలించి నిర్మించిన కట్టడాల్లో తాజ్‌ మహల్‌ కూడా ఒకటి. ఈ తాజ్‌మహల్‌ భోపాల్‌లోని అతిపెద్దదైన మసీదు తాజ్‌-ఉల్‌-మజీద్‌ పక్కన నిర్మితమైంది.

రాజప్రాసాదంగా…
షాజహాన్‌ తన ప్రియురాలి కోసం తాజ్‌మహల్‌ను కట్టించాడు. కా నీ భోపాల్‌లోని తాజ్‌ మహల్‌ బేగమ్‌ నివాసంగా రూపుదిద్దుకుంది. ఆ కాలంలో 70 లక్షల రూపాయలతో దీన్ని నిర్మించారు. 1871 నుంచి 1884 వరకు 13 సంవత్సరాల కాలంలో ఈ చారిత్రక కట్టడం రూపుదిద్దు కుంది. ఆ కాలంలో ప్రపంచంలోనే అతిపెద్దదైన రాజప్రాసాదంగా దీన్ని నిర్మించడం విశేషం. మొదట దీన్ని రాజ్‌ మహల్‌ పేరుతో పిలిచేవారు. ఆ తర్వాత భోపాల్‌లో నివసించిన బ్రిటీష్‌ పరిపాలకులు దీని నిర్మాణాన్ని చూసి ఎంతో ముగ్ధులయ్యారు. దీని ఆర్కిటెక్చర్‌ పనితనం వారికి బాగా నచ్చి ఈ కట్టడాన్ని కూడా తాజ్‌ మహల్‌గా పిలిచారు. ఇక బోపాల్‌ తాజ్‌మహల్‌ నిర్మాణం పూర్తయి న తర్వాత బేగమ్‌ జష్న్‌-ఎ-తాజ్‌మహల్‌ పేరిట మూడు సంవత్సరాల పాటు వేడుకలను నిర్వహించారు.

స్వాతంత్య్రం వచ్చిన తర్వాత…
taj1947లో స్వాతంత్య్రం వచ్చి పాకిస్తాన్‌ నుంచి దేశం విడిపోయిన తర్వాత నవా బ్‌ హమీదుల్లా ఖాన్‌ సింధీ కాందిశీకులను ఈ ప్యాలెస్‌లో నివసించేందుకు ఏర్పాట్లు చేశారు.వారు తాజ్‌ మహల్‌లో నాలుగు సంవత్సరాల పాటు నివసిం చారు. ఆ తర్వాత భోపాల్‌లోని బైరాఘర్‌ కు తమ నివాసాన్ని మార్చారు. ఈ కాలంలో ఈ రాజప్రాసాదం కొంత దెబ్బతింది. ఆ తర్వాత పలువురు భోపాల్‌ రాజవంశీ కులు ఈ రాజప్రాసాదంలో నివసించి ్రమ,క్రమంగా అక్కడి నుంచి వెళ్లిపోయారు. 2008లో ఈ రాజమహల్‌లోని పలు భవనాలు కూలిపోయాయి. 2005లో భోపాల్‌ తాజ్‌హమల్‌ను మధ్య ప్రదేశ్‌ ప్రభుత్వం రాష్ర్ట చారిత్రక వారసత్వ సంపదగా ప్రకటించింది.

అధ్బుతమైన ఆర్కిటెక్చర్‌తో…
భోపాల్‌ తాజ్‌మహల్‌ను వివిధ రకాల శిల్పకళాపనితనంతో అందంగా నిర్మించారు. బ్రిటీష్‌, ఫ్రెంచ్‌, మొగల్‌, అరబిక్‌, హిందూ వాస్తు నిర్మాణ పద్ధతులతో దీన్ని అద్భుతంగా తీర్చిదిద్దారు. ఈ ప్యాలెస్‌లో 120 గదులను నిర్మిం చారు. ఇందులో శీష్‌మహల్‌ (అద్దాల ప్యాలెస్‌), అతి పెద్దదైన సావన్‌ బడో పెవిలియన్‌ ఇక్కడ ప్రత్యేక ఆకర్షణగా నిలుస్తాయి. ప్రధాన ప్రవేశ ద్వారం వద్ద ఏడు అంతస్తుల భవనం ఇక్కడ చూడ
దగినది. భోపాల్‌ తాజ్‌మహల్‌పై పరిశోధన చేసిన హుస్సేన్‌(75) ఈ కట్టడంపై ప్రత్యేకంగా ‘ద రాయల్‌ జర్నీ ఆఫ్‌ భోపాల్‌’ అనే పుస్తకాన్ని రాశారు.

taj1భోపాల్‌లోనే అతిపెద్ద ప్యాలెస్‌గా దీన్ని ఆయన అభి వర్ణించారు.ఇక భోపాల్‌ తాజ్‌ మహల్‌ పర్యాటకులను వి శేషంగా ఆకర్షిస్తోంది. దేశ, విదేశాలకు చెందిన వేలాది మంది పర్యాటకులు ప్రతి ఏటా ఈ కట్టడాన్ని తిలకిసు్తన్నారు. ఈ కట్టడం అందాలకు వారు మంత్రముగ్ధులవుతున్నారు. ‘భోపాల్‌ తాజ్‌మహల్‌ అందాలు వర్ణనాతీతం. ఒకప్పుడు ప్రపంచంలోనే అతిపెద్ద రాజ ప్రాసాదంగా నిర్మించిన ఈ కట్టడం వివిధ వాస్తు నిర్మాణ శైలులకు అద్దం పడు తోంది. ఈ కట్టడంలోని వివిధ భవనాలు ఎంతో అందంగా తీర్చిదిద్దారు’ అని పర్యాటకుడు ఉమేష్‌ అన్నారు.

తాజ్‌ పరిరక్షణకు…
ఇక భోపాల్‌ తాజ్‌ను పరిరక్షించేందుకు గత ఆరు సంవత్సరాలుగా ప్రచార కార్యక్రమాన్ని నిర్వమిస్తున్న సవితా రాజె కొంత కాలం క్రితం ప్యారిస్‌లోని స్కూల్‌ ఆఫ్‌ ఆర్కిటెక్చర్‌ డీన్‌ సెర్జ్‌ సాంటెల్లిని ప్రత్యేకంగా భోపాల్‌కు ఆహ్వానిం చారు. ‘సెర్జ్‌ సాంటెల్లి తాజ్‌మహల్‌లోని పలు భవన సముదాయాలను పరి రక్షించేందుకు కృషిచేస్తున్నారు. ఆయన స్వయంగా ఈ ప్యాలెస్‌ను ప్రపంచం లోని అందమైన ప్యాలెస్‌లలో ఒకదానిగా అభివర్ణించారు’ అని రాజె పేర్కొ న్నారు.

Surya Telugu Daily.

ఏప్రిల్ 14, 2011 Posted by | చూసొద్దాం | | 1 వ్యాఖ్య

లక్షలాది గొంతుకుల శంఖారావం అన్నా హజారే

లక్షలాది గొంతుకుల శంఖారావం అన్నా హజారే
అన్నా హజారే…అవినీతిపై సమర శంఖాన్ని పూరించిన సంఘ సంస్కర్త. ఇందు కోసం లోక్‌ పాల్‌ బిల్లు స్థానంలో జన్‌ లోక్‌పాల్‌ బిల్లును ఏర్పాటుచేయాలని మంగళవారం నుంచి ఆమరణనిరాహార దీక్ష చేస్తూ యుపిఎ ప్రభుత్వాన్ని గడగడలాడిస్తున్న వ్యక్తి. దేశంలో ఎంతటి పెద్దవారైనా సరే అవినీతికి పాల్పడితే వారిని విచారించే అధికారం జన్‌లోక్‌పాల్‌కు కల్పించాలని ఆయన ఉద్యమిస్తున్నారు. ఆయనకు మద్దతుగా సంఘ సంస్కర్త స్వామి అగ్నివేష్‌, మాజీ ఐపిఎస్‌ అధికారిణి కిరణ్‌బేడితో పాటు పలువురు మద్దతుపలికారు. గాంధేయ పద్దతిలో ఆయన చేస్తున్న సత్యాగ్రహం దేశంలోని అందరినీ కదిలించింది. నాలుగు రోజులుగా దేశ వ్యాప్తంగా ప్రజలు ఆయనకు మద్దతుగా ఆందోళనలు చేపడతున్నారు.

annaఅన్నా హజారే మహారాష్టల్రోని అహ్మద్‌నగర్‌ జిల్లాలోని రాలేగన్‌ సిద్ధి అనే గ్రామాన్ని మోడల్‌ గ్రామంగా తీర్చిదిద్ది ఎంతో పేరుతెచ్చుకున్నారు. దీంతో ఆయన దేశ,విదేశాల్లో ఎంతో ప్రఖ్యాతిగాంచారు. ఆయన కృషిని గుర్తించిన ప్రభుత్వం పద్మభూషణ్‌ అవార్డును ఇచ్చి సన్మానించింది.

కుటుంబ నేపథ్యం…
సంఘ సంస్కర్త కిసాన్‌ బాపట్‌ బాబురావు హజారేను ప్రజలందరూ అన్నా హజరేగా పిలుస్తారు. ఆయన 1949 సంవత్సరం జనవరి 15న బింగర్‌ గ్రామంలో జన్మిం చారు. బాబురావు హజారే, లక్ష్మిభాయ్‌ దంపతులకు ఆ యన పుట్టారు. తల్లిదండ్రులు కార్మికులుగా పనిచేస్తుం డేవారు. అన్నా హజారేకు ఇద్దరు సోదరీమణులు ఉన్నారు. పరిస్థితులు బాగా లేకపోవడంతో అన్నా హజారే కుటుంబం 1952లో రాలేగన్‌ సిద్ది గ్రామానికి తరలి వెళ్లింది. ఆ తర్వాత ఆయన ముంబయ్‌లోని తన అత్త వద్ద ఏడవ తరగతి వరకు చదువుకొని కొన్ని పరిస్థితుల మూలంగా మధ్యలోనే చదువును ఆపేయాల్సి వచ్చింది.

దేశ సైన్యంలో పనిచేసి…
anna3 హజారే తన ఉద్యోగ జీవితాన్ని ఇండియన్‌ ఆర్మీలో డ్రైవర్‌గా ప్రారంభించడం విశేషం. తీరిక సమయాల్లో ఆయన స్వామి వివేకానంద, మహాత్మా గాంధీ, ఆచార్య వినోబా భావే వంటి ప్రముఖుల పుస్తకాలను చదివి ప్రభావితులయ్యారు. దీంతో ఆయన సంఘ సంస్కర్తగా, ఉద్యకారునిగా కొత్త జీవితాన్ని ప్రారంభించారు. 1965లో జరిగిన ఇండో-పాకిస్తాన్‌ యుద్దం సమయంలో డ్రైవర్‌గా ట్రక్‌ను నడుపుకుంటూ సరిహద్దులకు వెళ్లి సురక్షితంగా బయటకు వచ్చారు. 1970 దశకం మధ్య సమయంలో ఆయన డ్రైవింగ్‌ చేస్తుండగా రోడ్డు ప్రమాదం జరిగింది.

రాలేగన్‌ సిద్ది గ్రామంలో…
సైన్యంలో కొంతకాలం పనిచేసిన తర్వాత అన్నా హజారే అక్కడ వాలంటరీ రిటైర్మెంట్‌ తీసుకున్నారు. అనంతరం 1975లో తన స్వగ్రామం రాలేగన్‌ సిద్దికి తిరిగి వచ్చారు. ఆ గ్రామంలో ముందుగా యువతను అందరినీ కూడగట్టుకొని తరుణ్‌ మండల్‌ అనే యువజన సంఘాన్ని ఏర్పాటుచేశారు. దీంతో పాటు అందరికీ నీటి సరఫరా కోసం పానీ పురావత మండల్స్‌ (నీటి సంఘాలు)ను ఏర్పాటుకు కృషిచేశారు.

మద్యానికి వ్యతిరేకంగా…
anna4సంఘ సంస్కర్తగా అన్నా హజారే సమాజంలో పలు మార్పులకు కృషిచేశారు. ఆయన యువతను కూడగట్టుకొని మద్యానికి వ్యతిరేకంగా ఉద్యమించారు. రాలేగన్‌ గ్రామంలోని ప్రజలు అన్ని విధాలా అభివృద్దిచెందడానికి మద్యం అడ్డంకిగా మారిందని ఆయన భావించారు. దీంతో గ్రామంలోని దేవాలయం వద్ద ఓ సమావేశాన్ని ఏర్పాటుచేసి ప్రజలతో చర్చించారు. గ్రామంలోని మద్యం కేంద్రాలను మూసివేయడంతో పాటు మద్యం తాగడాన్ని నిషేధించేందుకు సమావేశంలో ప్రజలందరూ ఒప్పుకున్నారు. దేవాలయంలో తీసుకున్న ఈ నిర్ణయం ఓ విప్లవాత్మకమైన నిర్ణయంగా మారింది. దీంతో దాదాపు 30కిపైగా లిక్కర్‌ కేంద్రాలను వాటి యజమానులే స్వచ్చంధగా మూసివేయడం విశేషం. తెరచిఉన్న మద్యం కేంద్రాలను యువత ఉద్యమించి వాటిని బలవంతంగా మూసివేయించారు.

మద్యం కేంద్రాలు చట్ట విరుద్ధంగా నడుస్తుండడంతో వాటి యజమానులు సైతం ఎటువంటి ఫిర్యాదులు చేయలేదు. గ్రామాల్లో తీసుకున్న నిర్ణయానికి విరుద్దంగా కొందరు పక్క గ్రామాల నుంచి మద్యం తెచ్చుకొని తాగితే వారిని మూడు సార్లు హెచ్చరించి నాలుగవ సారి నుంచి శిక్షించడం ప్రారంభించారు. ఇది బాగా పనిచేసి రాలేగన్‌ గ్రామంలో సంపూర్ణ మద్య నిషేధం సాధ్యమైంది. దీంతో గత 25 సంవత్సరాలుగా ఈ గ్రామంలో సంపూర్ణ మద్యం నిషేధం కొనసాగుతుండం విశేషం. అన్నా హజారే పిలుపు మేరకు చివరికి గ్రామంలోని యువత పొగాకు, సిగరేట్లు, బీడీలను సైతం తాగకూడదని నిషేధాన్ని విధించుకున్నారు. హోలి రోజున వీటన్నింటిని తగలబెట్టి గ్రామవాసులు వీటికి దూరంగా ఉండాలని నిర్ణయం తీసుకున్నారు.

వాటర్‌షెడ్‌ అభివృద్ది కార్యక్రమం…
anna5వ్యవసాయ దిగుబడులను పెంచాలంటే నీటి సరఫరా వ్యవస్థను మెరుగుపర్చాలని అన్నాహజారే భావించారు. దీంతో ఆయన రాలేగన్‌ గ్రామంలో వాటర్‌షెడ్‌ నిర్మాణానికి కృషిచేశారు. దీని నిర్మాణం కోసం గ్రామవాసులు శ్రమదానం చేయాలని పిలుపునిచ్చారు. ఆయన పిలుపుమేరకు ప్రజలందరూ స్వచ్చంధంగా శ్రమదానంలో పాల్గొని కాల్వలు, చెక్‌ డ్యామ్‌లను నిర్మించుకున్నారు. దీంతో గ్రామంలో వ్యవసాయం కోసం నీటి కొరత తీరి పంట దిగుబడులు బాగా పెరిగాయి.

పాల ఉత్పత్తి…
రాలేగన్‌ సిద్ది గ్రామంలో పాల ఉత్పత్తిని పెంచేందుకు అన్నా హజారే ఎంతో కృషిచేశారు. ఎక్కువగా పాలిచ్చే గేదెలను కొనుగోలుచేసి వెటర్నరీ డాక్టర్ల సహచారంతో క్రాస్‌ బ్రీడ్‌ ద్వారా గేదెల పెంపకాన్ని చేపట్టారు. దీంతో గ్రామంలో పాలిచ్చే గేదెల సంఖ్య పెరిగి పాల ఉత్పత్తి క్రమ,క్రమంగా పెరిగింది. ఆయన కృషితో 1975కి ముందు గ్రామంలో వంద లీటర్ల పాలు ఉత్పత్తి అయితే ఆ తర్వాత పాలిచ్చే గేదెల మూలంగా 2500 లీటర్ల పాలు ఉత్పత్తి కావడం విశేషం. ఈ పాలను గ్రామవాసులు అహ్మద్‌నగర్‌లోని మల్‌గంగ డైరీలో విక్రయిస్తూ ఆర్థికంగా అభివృద్ది చెందారు. అన్నా హజారే కృషితో గ్రామవాసులు రాలేగన్‌ సిద్ది గ్రామంతో పాటు పొరుగు గ్రామాల్లోని బాల్వాడీలలో పిల్లలకు పోషకాహారంగా పాలను ఉచితంగా ఇవ్వడం ప్రారంభించారు. గ్రామస్థులు అందరూ కలిసి మెలిసి ఉంటూ ప్రతిరోజు మినీ ట్రక్కుల ద్వారా పాలను అహ్మద్‌నగర్‌కు తీసుకెళ్లి, వచ్చేటప్పుడు గ్రామానికి కావాల్సిన కూరగాయలు, ఇతర నిత్యావసర వస్తువులను తీసుకురావడం ప్రారంభించారు.

విద్య…
anna2 గ్రామంలో అక్షరాస్యతను పెంపొందించేం దుకు అన్నా హజారే విశేషంగా కృషిచేశారు. ఒకప్పుడు అక్కడ చిన్న పాఠశాల ఉంటే హజారే కృషి మేరకు 1979 వరకు ప్రాథమిక, మాద్యమిక, ఉన్నత పాఠశాలలు ప్రారంభమయ్యాయి. గ్రామంలో అక్షరాస్యత కోసం సంత్‌ యాదవ్‌ బాబా శిక్షాణ్‌ ప్రసారక్‌ మండల్‌ (ట్రస్ట్‌)ను 1979లో ప్రారంభించారు.

అంటరానితనం నిర్మూలనకు…
రాలేగన్‌ గ్రామంలో అంటరానిత నాన్ని దూరం చేసేందుకు అన్నా హజారే పోరాటం చేశారు. ఆయన కృషితో గ్రామంలోని అగ్రవర్ణాలు, బడగు, బలహీన వర్గాలు, వెనుకబడిన తరగతుల ప్రజలందరూ ఐక్యంగా ఉంటూ వివిధ పండుగలు, పర్వదినా లను జరుపుకోవడం ప్రారంభించారు. అక్కడ దళితులు కూడా జనజీవన స్రవంతిలో కలిసిపోయి వేడుకలను జరుపుకుంటున్నారు.

సామూహిక వివాహాలు…
సామూహిక వివాహాల ద్వారా పేద కుటుంబాల్లోని యువతీ,యువకుల పెళ్లిళ్లు జరిపించారు అన్నా హజారే. పేద కుటుంబాలు వివాహానికి పెద్ద మొత్తంలో అయ్యే ఖర్చును భరించేవారు కాదు. దీన్ని గుర్తించిన హజారే గ్రామంలో తరుణ్‌ మండల్‌ ద్వారా పేద వధూ,వరుల వివాహాలను సామూహికంగా జరిపించి పెళ్లి భోజనాన్ని ఉచితంగా వండించి వడ్డించేవారు. వివాహానికి అవసరమైన లౌడ్‌ స్పీకర్లు, మండపం, అలంకరణ అంతా తరుణ్‌ మండల్‌ చూసుకునేది. ఇలా 1976 నుంచి 1986 వరకు అన్నా హజారే ఆధ్వర్యంలో 424 వివాహాలను జరగడం విశేషం.

సమాచార హక్కు ఉద్యమం…
ప్రజలందరికీ ప్రభుత్వ శాఖలోని అన్ని రకాల సమాచారాన్ని తెలుసుకునే అవకాశం కోసం సమాచార హక్కును కల్పించాలని అన్నాహజారే మహారాష్టల్రో ఉద్య మించారు. ఆయన ఉద్యమం మూలంగా అక్కడ మహా రాష్ట్ర రైట్‌ టు ఇన్ఫర్మేషన్‌ యాక్ట్‌ వచ్చింది. ఆ తర్వాత కేం ద్ర ప్రభుత్వం దీన్ని కొన్ని మార్పులతో రైట్‌ టు ఇన్ఫర్మేషన్‌ యాక్ట్‌ 2005 (ఆర్‌టిఐ)గా తీసుకురావడం విశేషం.
– ఎస్‌.అనిల్‌ కుమార్‌
అవినీతికి చెక్‌…?
anna1అవినీతిని నిరోధించేందుకు ఇదివరకే లోక్‌పాల్‌ బిల్లు ఉన్నా అది కేవలం నామమాత్రంగా మిగిలిపోయింది. దీని స్థానంలో జన్‌ లోక్‌పాల్‌ బిల్లును ప్రవేశపెట్టాలని అన్నా హజారే ఆమరణ నిరాహార దీక్ష చేస్తున్నారు. ఇంతకీ లోక్‌పాల్‌ బిల్లులో ఏమున్నాయి..?, జన్‌ లోక్‌ పాల్‌లో ఏముండాలని హజారే కోరుకుంటున్నారో తెలుసుకుందామా…

లోక్‌పాల్‌ బిల్లు…
1. స్వతంత్రంగా చర్యలు తీసుకునే అధికారం లోక్‌పాల్‌కు లేదు. లోక్‌సభ స్పీకర్‌ లేదా రాజ్యసభ అద్యక్షుడికి ప్రజలు ఫిర్యాదులు చేయాలి. వారు ఆమోదించి పంపిన వాటిపైనే లోక్‌పాల్‌ దర్యాప్తు జరిపిస్తుంది.
2.సలహా సంఘంగా మాత్రమే లోక్‌పాల్‌ పనిచేస్తుంది. అది దర్యాప్తు నివేదికను సంబంధిత అధీకృత సంస్థకు పంపాలి. చివరికి చర్యలు తీసుకునేది ఆ సంస్థే. మంత్రుల విషయంలో ప్రధాని, ఎంపీల విషయంలో లోక్‌సభ, రాజ్యసభ అధ్యక్షులదే తుది నిర్ణయం. ఇక ప్రధానిపైన ఆరోపణలు వస్తే చేయడానికేమీ లేదు.
3.లోక్‌పాల్‌కు చట్టపరమైన రక్షణ, పోలీసు అధికారాలు లేవు. ఈ సంస్థ చేపట్టే విచారణలు ప్రాథమిక విచారణలే.
4.ఇందులో సీబీఐ పాత్ర ఎలా ఉంటుందో తెలియదు.
5.ఏదైనా ఫిర్యాదు అబద్దమని తేలితే ఫిర్యాదుదారున్ని లోక్‌పాల్‌ జైలుకు పంపవచ్చు. ఈ ఫిర్యాదు నిజమైతే రాజకీయ నాయకుడిని జైలుకు పంపే అధికారం మాత్రం లోక్‌పాల్‌కు లేదు.

జన్‌ లోక్‌పాల్‌లో…
1.స్వతంత్రంగా దర్యాప్తు జరిపే సంస్థగా లోక్‌పాల్‌కు అధికారాలు ఇవ్వాలి. ప్రజలు నేరుగా ఈ సంస్థకు ఫిర్యాదుచేసుకునే అవకాశం కల్పించాలి.
2.లోక్‌పాల్‌ను సలహా సంఘం గా కాకుండా దర్యాప్తు పూర్తయిన తర్వాత ఎంతటి వ్యక్తికి వ్యతిరేకం గానైనా విచారణ ప్రారంభించే అవకాశం కల్పించాలి.
3.సంపూర్ణ పోలీసు అధికారాలతో కూడిన లోక్‌పాల్‌ కావాలి. దీంతో ఫిర్యాదు దర్యాప్తుతో పాటు ప్రాసిక్యూషన్‌కు అవకాశం ఏర్పడుతుంది.
4.అవినీతి కేసులను దర్యాప్తు చేసే సీబీఐ విభాగాన్ని లోక్‌పాల్‌లో విలీనం చేయాలి.
5. లోక్‌పాల్‌ విచారణ పరిధిని కేవలం రాజకీయ నాయకుల వరకే పరిమితం చేయకుండా అధికారులు, న్యాయమూర్తులను కూడా అందులో చేర్చాలి.

anna6

Surya Telugu Daily.

ఏప్రిల్ 9, 2011 Posted by | వార్తలు | , | 4 వ్యాఖ్యలు

జయహో ఇండియా …

జయహో ఇండియా …

2011 ప్రపంచ కప్ విజేతలకు శుభాభినందనలు …

 

ఏప్రిల్ 3, 2011 Posted by | వార్తలు | | 2 వ్యాఖ్యలు