గిన్నీస్ రికార్డులో ‘కూచిపూడి ’…
గిన్నీస్ రికార్డులో ‘కూచిపూడి ’…
ఒకరా ఇద్దరా ఏకంగా 2,800మంది ఒకేసారి కూచిపూడి నృత్యాన్ని ప్రదర్శించారు. లయబద్ధమైన సంగీతం మధ్య గురువులు, కళాకారులు కలిసి నిర్వహించిన నృత్య ప్రదర్శన సందర్శకులను అబ్బురపరిచింది.ఇంతమంది కూచిపూడి నృత్యకారులు ఒకేసారి నిర్వహించిన నృత్య ప్రదర్శన ఏకంగా గిన్నీస్ రికార్డులోకి ఎక్కింది. వీరి నృత్యాభినయం సందర్శకులను చూపుతిప్పుకోకుండా చేసింది.సిలికానాంధ్ర, రాష్ట్ర ప్రభుత్వ సాంస్కృతిక శాఖల సంయుక్త ఆధ్వర్యంలో హైదరాబాద్లో జరిగిన ‘అంతర్జాతీయ కూచిపూడి సమ్మేళనం’లో భాగంగా ఈ అద్భుతమైన రికార్డు చోటుచేసుకుంది. మూడు రోజుల పాటు జరిగిన ఈ సమ్మేళనం అంతర్జాతీయ దృష్టిని ఆకర్షించింది. ఈ సమ్మేళనానికి హాజరైన కేంద్రమంత్రి పురందేశ్వరి ప్రత్యేకంగా కూచిపూడి నృత్యం చేయడం విశేషం.
తెలుగువారి సంప్రదాయ నృత్యం కూచిపూడి. ఈ సంప్రదాయ నృత్యం కృష్ణాజిల్లా కూచిపూడి గ్రామంలో జన్మించింది. ముందుగా కూచిపూడి గ్రామంలోని బ్రాహ్మణులు ఈ నృత్యాన్ని నేర్చుకొని ప్రదర్శనలిచ్చేవారు.కాల క్రమేణా ఈ నృత్యానికి దక్షిణాదినే కాకుండా దేశవ్యాప్తంగా మంచి పేరు, ప్రఖ్యాతులు లభించాయి. కర్నాటక సంగీతం మధ్య చక్కటి నృత్యాభిన యంతో నిర్వహించే కూచిపూడి నృత్యం నయనమనోహరంగా ఉంటుందని కళాప్రియులు పేర్కొంటారు. వయోలిన్, ఫ్లూట్, తంబూరాల సంగీతం మధ్య ఈ నృత్య ప్రదర్శన మైమరపిస్తుందని వారు చెబుతారు.
కూచిపూడికి అంతర్జాతీయ గుర్తింపు…
దేశంలో ప్రసిద్దిగాంచిన కూచిపూడి నృత్యం నేడు విదేశాల్లో సైతం క్రమ, క్రమంగా ప్రాచుర్యం పొందుతోంది. ఈ అందమైన నృత్యానికి అంతర్జాతీయ గుర్తింపును తీసుకువచ్చేందుకు సిలికానాంధ్ర చేసిన ప్రయత్నం అంతర్జాతీయ కూచిపూడి సమ్మేళనంతో ఫలించింది. ఈనెల 24 నుంచి 26 వరకు మూడు రోజుల వరకు ఈ సమ్మేళనం జరిగింది. ఈ సమ్మేళనం హైదరాబాద్లోని నోవాటెల్ హెచ్ఐసిసిలో శుక్రవారం ప్రారంభమైంది. ఈ సందర్భంగా అమె రికా న్యూజెర్సీకి చెందిన సిద్దేంధ్ర కూచిపూడి అకాడమీ నాట్యగురువు స్వాతి గుండపనిడి ఆధ్వర్యంలో అదేరోజు రవీంద్రభారతిలో నిర్వహించిన కూచి పూడి నృత్య ప్రదర్శన సందర్శకులకు మధురానుభూతులను పంచింది. ఇక మూడు రోజుల పాటు జరిగిన అంతర్జాతీయ కూచిపూడి సమ్మేళనంలో మన దేశంతో పాటు వివిధ దేశాలకు చెందిన పలువురు నృత్యగురువులు, నృత్య కారులు పాల్గొన్నారు.
గిన్నీస్ రికార్డు…
తెలుగువారి సొంతమైన కూచిపూడి నృత్యానికి గిన్నీస్ బుక్లో చోటుకల్పిం చేందుకు సిలికానాంధ్ర చేసిన కృషి సఫలీకృతమైంది. ఇందులో భాగంగా ఆదివారం హైదరాబాద్లోని గచ్చీబౌలిలో ఉన్న జిఎంసి.బాలయోగి స్టేడి యంలో జరిగిన కూచిపూడి నృత్య ప్రదర్శన ఈ ప్రయత్నానికి వేదికగా మారింది. ఒకేసారి 2,800మంది కూచిపూడి నృత్యకారులు లయబద్దంగా నృత్యం చేసి కూచిపూడికి గిన్నీస్ బుక్లో చోటుకల్పించారు. ఐదు నుంచి అరవై సంవత్సరాల వయస్సున్న నృత్యకారులు ఈ ప్రదర్శనలో పాల్గొన్నారు. ఈ ప్రదర్శనలో మనదేశంతో పాటు 16 దేశాల నృత్యకారులు పాల్నొడం విశేషం.
గురువుల బృందం, శిష్య బృందంతో కలిసి నిర్విహంచిన కూచిపూడి నృత్యం నయనమనోహరంగా కొనసాగింది. హిందోళ రాగంలో సాగిన తిల్లా న నృత్య రూపకానికి పద్మభూషణ్ వెంపటి చినసత్యం నృత్య దర్శకత్వం వహించారు. రాష్టప్రతి ప్రతిభాపాటిల్, రాష్ట్ర గవర్నర్ నరసింహన్, ముఖ్యమం త్రి కిరణ్కుమార్రెడ్డి సమక్షంలో ఈ ప్రదర్శన కొనసాగింది. అనంతరం గిన్నీస్ బుక్ ఆఫ్ రికార్డ్స్ ప్రతినిధులు కార్యక్రమంలో సిలికానాంధ్రకు గిన్నీస్ రికార్డు పత్రాన్ని అందజేశారు.
‘తెలుగువారి నృత్యమైన కూచిపూడికి అంతర్జాతీయ గుర్తింపును తీసుకువచ్చేందుకే అంతర్జాతీయ కూచిపూడి సమ్మే ళనాన్ని నిర్వహించాము. ఇందులో భాగంగానే 2,800మంది నృత్యకారులతో కూచిపూడి నృత్య ప్రదర్శన జరిగింది. ఈ అరుదైన ప్రదర్శనతో కూచిపూడికి గిన్నీస్బుక్ రికార్డులో చోటుదక్కింది. తెలుగువారి కళలకు అంతర్జాతీయ గుర్తింపును తీసుకువచ్చేందుకు సిలికానాంధ్ర కృషిచేస్తోంది. ఇందులో భాగంగానే గత ఏడాది హైదరాబాద్లో లక్షగళార్చన కార్యక్రమాన్ని నిర్వహించి గిన్నీస్ బుక్ రికార్డులోకి ఎక్కాము’ అని ఈ సందర్భంగా సిలికానాంధ్ర వ్యవస్థాపక అధ్యక్షుడు కూచిబోట్ల ఆనంద్ అన్నారు.
ఆకట్టుకున్న రాజారాధారెడ్డి శిష్యబృందం ప్రదర్శన…
అంతర్జాతీయ కూచిపూడి నృత్యసమ్మేళనంలో భాగంగా చివరిరోజున రాజా రాధారెడ్డి శిష్య బృందం నిర్వహించిన నృత్యప్రదర్శన కళాప్రియులను ఎంత గానో ఆకట్టుకుంది. వారి దేవీస్తుతి నృత్యరూపకం కనువిందుచేసింది. ఈ బృందం ఇండో వెస్ట్రన్ ఫ్యూజన్లో ప్రదర్శించిన నృత్యం లేజర్ లైటింగ్లో అద్భుతంగా కొనసాగింది. ఈ ప్రదర్శనను తిలకించిన సందర్శకుల కరతాళ ధ్వనులతో జిఎంసి బాలయోగి స్టేడియం మారుమ్రోగింది.
2 వ్యాఖ్యలు »
స్పందించండి
-
భాండాగారం
- జనవరి 2020 (13)
- జూన్ 2018 (1)
- డిసెంబర్ 2012 (1)
- డిసెంబర్ 2011 (2)
- నవంబర్ 2011 (2)
- సెప్టెంబర్ 2011 (2)
- జూలై 2011 (5)
- జూన్ 2011 (7)
- ఏప్రిల్ 2011 (6)
- మార్చి 2011 (28)
- ఫిబ్రవరి 2011 (6)
- జనవరి 2011 (20)
-
వర్గాలు
- (స్నే)హితులు
- అతివల కోసం
- అవర్గీకృతం
- ఆరోగ్యం
- ఇతర బ్లాగులు సైట్లు
- చిన్నారి లోకం
- చూడు చూడు నీడలు
- చూసొద్దాం
- నచ్చిన కవితలు
- నచ్చిన పాటలు
- నాట్యం
- ప్రకృతి
- భక్తి
- ముద్రలు
- మ౦చి మాటలు
- యూట్యూబు లో తెలుగు
- యెర్రె౦కడు
- రింగ్ టోన్స్
- వర్ణ చిత్రాలు
- వార్తలు
- వింతలూ-విశేషాలు
- విచిత్ర చిత్రాలు
- విజ్ఞానం
- విదేశాలలో మన దేవాలయాలు
- విద్యార్థులకు
- వ౦టా-వార్పు
- సంస్కృతి
- సామెతలు
- సినిమా
- సూపర్ సింగర్స్
- సైకత శిల్పాలు
-
RSS
Entries RSS
Comments RSS
Sir,
Edi chalaa Adbhutamyna vishayam sir.Kuchupudi dance ante chalaa ishtam. Antarjateeyamgaa record saadinchinanduku chalaa samthosham gaa vundi.
It is a great record to Andhra Pradesh.